Бадра Гәынба Тҟәарчал ақалақь 84 шықәса ахыҵра рыдиныҳәалеит.Аҳәынҭқарра ахада иазгәеиҭеит, ақалақь акраамҭа ареспублика аиндустриатә центрны ишыҟаз, Аԥсны жәлар Рџьынџьтәылатә еибашьраан аӷа ақалақь иалалара алзмыршаз уи ахьчаҩцәа рфырхаҵара наунагӡа аҳәынҭқарра аҭоурых аҿы ишаанхо.Атәыла ахада иажәақәа рыла, иахьа Тҟәарчал аиҭакрақәа мҩаԥысуеит — есааира ақалақь ахаҿра аиӷьхара иаҿуп, аинфраструктура ҿиоит, ҩаԥхьа асасцәеи атуристцәеи аднакылартә иҟоуп.
Тҟәарчал асоциал-економикатә ҿиаразы иназыцҵоу 5 млн мааҭ азоурыжьит.Аԥсны ахада абри аҩыза аӡбамҭа идикылеит иҳәеит аԥыза-министр Владимир Делба.Иара иазгәеиҭеит ақалақь ахьӡ-аԥша шамоу, Тҟәарчал ареспублика аԥсҭазаараҿы ароль ду шынанагӡо, аҵареи, аспорти, акультуреи русхк аҟны хыԥхьаӡара рацәала апрограммақәа шынарыгӡоз азгәеиҭеит."Ҳара ҳҿаԥхьа зымҽхак ҭбаау ауснагӡатәқәа ықәгылоуп. Ауааԥсыра аԥыжәара зырҭало апроектқәа рынагӡара иалахәхоит", — азгәеиҭеит Делба.
2026 шықәса ажьырныҳәамза инаркны мшаԥымзанӡа афымцадәыӷба "Диоскуриа" 13 нызқьҩык инареиҳаны апассаџьырцәа мҩаннагеит.Аҟәеи Сириуси ирыбжьоу афымцадәыӷба аныҟәара иалагеит лаҵара 1 2025 шықәса инаркны, уи мышкахьы ҩынтә ибжьысуеит. Ари аамҭа иалагӡаны 170 нызқьҩык ауааԥсыра мҩаныргахьеит ҳәа аанацҳауеит Аԥснытәи аихамҩақәа.
Ацәыргақәҵа "Тҟәарчал: ажәытәра инаркны ақалақь-баҳчахь" аатит мшаԥы 9 рзы.Ақалақь амш азгәаҭара аҽны ацәыргақәҵа асасцәа аҭааит.Ацәыргақәҵаҿы иаарыԥшуп еицырдыруа аклассикатә ҟаза, Аԥсны зҽаԥсазтәыз асахьаҭыхҩы Рудольф Хочаа иусумҭақәа.Иусумҭақәа ирныԥшуеит ақалақь ахьӡ-аԥша азаазгаз тҟәарчалтәи ашахҭақәеи азауадқәеи.Ацәыргақәҵа ханарҭәаауеит асахьаҭыхҩ қәыԥш, ИАА адизаин ашкол аҵаҩы Данаҟаи Адлеиба иусумҭақәа. Ақалақь амшазы иара иаԥиҵеит Тҟәарчал ԥхьаҟатәи аԥеиԥш иазку ацифратә сахьақәа — ақалақь-баҳчаны ишибо.
Шықәсык ахь знык иҭрыжьуа аԥснытәи асоциологиатә журнал ӡырган ААУ аҟны.Уи Аԥснытәи аҳәынҭқарратә университети Москватәи аҳәынҭқарратә университети рҵарауаа асоциологиатә ҭҵааратә лабороториа ақәҿиара змоу проектк аҳасабала ишышьақәгылаз шьақәнарӷәӷәоит, аус мҽхакыҭбаала имҩаԥысуеит, аринахысгьы иҿиалоит ҳәа азгәалҭеит асоциолог Мария Филь.