Ауаажәларратә палата зыҟоу иҟоу ауадаҩразы азҵаара ианаамҭоу ицәырганы знапы иану адԥхьаланы аӡбара азоуп иҳәеит арадио Sputnik аефир аҿы, апалата абыжьбатәи ааԥхьара аинформациатә политикеи АИХ-қәа аус рыцуреи рзы акомиссиа анапхгаҩыс иалху Инал Лазба.Иара дазааҭгылеит аҳәынҭқарра аргылареи ауаажәларратә еицәажәареи, асоциалтә политики ркомиссиақәагь ралахәхара шиҭаххаз, имоу иԥышәа ихы иархәаны илшо ала иҟоу азҵаарақәа рыӡбаразы.Аԥсны ауааԥсыра инагӡаны Ауаажәларратә палата алшарақәа рхы иадырхәаӡом ҳәа сгәы иаанагоит, убри аҟнытә дарбанзаалак азҵаара змоу рзы апалата ашәқәа аартуп ҳәа азгәеиҭеит Лазба.
Урыстәылатәи арегионқәа рҿы аҳаирхыхьчаратә мчқәа уахыкала украинатәи аԥырҩы дызҭам ахархәагақәа 207 ҭадырхеит ҳәа аанацҳауеит Атәылахьчара аминистрра.Адронқәа ҭадырхеит Белгородтәи, Смоленсктәи, Бриансктәи, Орловтәи аобластқәа рҿы, Краснодартәи атәылаҿацә, Ҟрым, Азовтәи амшын инахықәкны, Амшын еиқәа аӡымҽхак аҿы.
Аҟәа, Аҟәа араион, Гәдоуҭа араион ахәҭак сааҭк лашарада иаанхоит мшаԥымза 17 рзы.Асааҭ 6:30 инаркны 7:30 рҟынӡа фымцада иаанхоит астанциа маҷқәа: "Аҟәа-1", "Аҟәа-2", "ИЕПиТ", "Т-2", "Афон", "Приморск", "Мҵара", "Дәрыԥшь", "Гәдоуҭа-ахага Т-2" ҳәа аанацҳауеит Аенергетика аминистрра.Лашарада иҟазаауеит — ацәаҳәақәа "Баӷмаран-1", "Баӷмаран-2" рҿы имҩаԥысуа аиҭашьақәыргыларатә усурақәа ирыхҟьаны.
Апроект "Жәлар рсцена — Лабҿаба" ахәыҷтәы хәҭа раԥхьатәи аҳасабырбатә концерт мҩаԥгахоит мшаԥы 24 рзы.Апроект аиҿкааҩцәа ируаӡәку Руслан Лашәриа иажәақәа рыла, иқәгылоит 25-ҩык алахәылацәеи аколлективқәеи. Урҭ актиортә ҟазареи, ацәажәаратә ҟазареи, ахореографиеи, авокали рҿы рхы ԥыршәоит.