Ашҭа Ҟаԥшь аҿы арратә парад мҩаԥгахоит Аиааира ду амш аҽны, Москва ҳәа аанацҳауеит Урыстәыла атәылахьчара аминистрра.Лаҵара 9 рзы ашьапыламҩасра иалахәхоит Урыстәыла Арбџьармчқәа хаз иго архәҭақәеи аҵараиурҭахкқәа зегьи рҟынтәи аррамаҵзурауааи.Ашҭа Ҟаԥшь иахаԥыруеит аԥырратә ҳаирплантә гәыԥқәеи ажәыларатә ҳаирпланқәа Су-25-и.Архәҭа хкқәеи архәҭа ҟәшақәеи, Арратә операциа ҷыда иалахәу, иара убас астратегиатә хықәкы змоу аракетатә мчқәеи Арра-мшынтә флот аӷбақәеи ркомандаҟаҵаратә пунктқәа рҿы иҷаԥшьо аҟәшақәеи амаҵзурақәеи зегьы русура ишиашоу ицо аефир ала идырбахоит.
Аԥсны ашколқәа рахь арҵаҩцәа-амҩақәҵаҩцәа ралԥшааразы арзаҳалқәа рыдыркылоит лаҵарамза 18 инаркны.Аицлабра актәи ахәҭаҟны иалкааз 17-ҩык аҟазауаа ашколқәа рҟны арҵаҩцәа-амҩақәҵаҩцәас аус руеит ҳәа азгәалҭеит аҵара аминистр лхаҭыԥуаҩ Хьыбла Шамԥҳа.Апроект анагӡара мҩаԥысуеит Урыстәылеи Аԥсни рыбжьара аҵарадырра ахырхарҭаҿы русеицура аҳәаақәа ирҭагӡаны. Аиҿкааҩцәа — Аԥсни Урыстәылеи рҵарадырратә министррақәа.
Фазиль Искандер ихьӡ зху аурыс драматә театр алахәхоит Новгород, Псков, Мелихово имҩаԥысраны иҟоу атеатртә фестивальқәа, абри атәы иҳәеит актиор, арежиссиор Џьамбул Жорданиа.Иара иажәақәа рыла, иааиуа ҩымз рыҩнуҵаҟа РУСДРАМ ԥшь-спектакльк аҳәаанырцәтәи ахәаԥшцәа иддырбараны иҟоуп."Ҳазҭало амзаз аспектакль "Аҷныш" ҩ-фестивальк рҿы идырбахоит. Новогород идҳарбоит — "Ахьча Махаз", рашәарамзазы "Пушкин ифестиваль" аҿы — "Евгени Онегин", —
Ааԥынреи аџьеи рныҳәамш иазку аҽыбӷаҟазаратә спорт азы ареспубликатә турнир мҩаԥгахоит Кәтол лаҵарамза 1 азы.Уи аҳәаақәа ирҭагӡаны аҽқәа дырыҩуеит 1200, 1800, 2000 метра. Атурнир азкуп Аԥсны жәлар Рџьынџьтәылатә еибашьреи Аџьынџьтәылатә еибашьреи Дуи рфырхацәа, иара убас адепутат Вахтанг Гәаланӡиа игәалашәара ҳәа аанацҳауеит Аҳәынҭспортеилакы.Уи адагьы, Аԥсны аспорт азҟазацәа Алхаси Гарик Ԥалауанӡиааи, аспорт азҟаза Омар Кәаӷәаниеи ргәалашәара иазкны аҵәыршәреи аҽыбӷаҟазаратә шьапылампыли рзы аицлабрақәа мҩаԥгахоит.Атурнир алагоит асааҭ 09:00 рзы.