19:08 19 Жьҭаара 2018
Ишиашоу ицо аефир
  • USD65.81
  • EUR75.32
Доброволец из КБР Анзор Яхагоев.

Иахагоев: сашьа автобус дҭалан иҽиӡеит Аԥсныҟа еибашьра дцаразы

предоставлено Цирой Габния
Аналитикеи аиҿцәажәарақәеи
Икьаҿу ахьарԥш аиура
Иҭыхым аибашьцәа (34)
28 0 0

Апроект "Иҭыхым аибашьцәа" иацнаҵоит 1992-1993 шықәсқәа рзтәи Аԥсны жәлар Рџьынџьтәылатә еибашьра алахәыла, Анзор Иахагоев иҭоурых.

Бадраҟ Аҩӡба, Sputnik

Асахьаҭыхҩы Руслан Габлиа иҭыхымҭақәа 60 ирныԥшуеит Аԥсны ахьчаҩцәа рҟазшьа, рыҩныҵҟатә ҭагылазаашьа. Аинформациатә маҵзура Sputnik Аԥсны апроект ҿыц "Иҭыхым аибашьцәа" аҳәаақәа ирҭагӡаны апортал аресурсқәа рҟны ицәыргоуп асахьаҭыхҩы аибашьраантәи иҭыхымҭақәеи уи ифырхацәа ирызку аочеркқәеи.

Аԥсны аибашьра ианалагоз аламҭалаз Анзор Иахагоев аррамаҵзура дахысит. Аԥсныҟа ааразы иара агуманитартә еидара зманы Аԥсныҟа иаауаз автобус дҭалан иҽиҵәахит.

Анзор Яхагоев.
Руслан Габлия
Анзор Яхагоев.

"Ҳара Ҟабарда-Балкариаҟа ҳааит Аԥсныҟа агуманитартә еидара аагарц. Амҩа ҳанықәла, сашьеиҵыб Анзор автобус дҭалан иҽиҵәахит уахь дҳаццарц. Абасала Аԥсныҟа дааит", — иҳәеит Анзор иашьа Казбек Иахагоев.

Иашьагьы автобус дышҭаз иара ибеит Краснодартәи атәылаҿацә ианалҵуаз аламҭалаз.

Добровольцы с Северного Кавказа. 1993 год.
© Фото : группа в Facebook "Памяти павших за Родину"

"Сара иашьеиҳабык иаҳасабала аҩныҟа ухынҳәыроуп сҳәеит. Аха иара мап ацәикит ахынҳәра. Сара исылымшеит ииӡбаз иахьырхәра" — иҳәеит Иахагоев.

Аԥсны жәлар Рџьынџьтәылатә еибашьра иалахәын аҩеишьцәа Иахагоеваа – Казбеки Анзори. Дара аотриад "Ҟабарда" иаланы рхы рыладырхәит иакымкәа ажәыларақәа.

"Казбек иҭахымызт Анзор аилашыраҵәҟьа далахәзарц, убри азы Анзор еснагь иашьа иҽицәиҵәахуан. Иара ҳара дҳацны Аҟәа ахақәиҭтәраан ақалақь далалеит. Дрылахәын ажәыларақәа зегьы", ҳәа игәалаиршәоит Анзор ицеибашьуаз, Аԥсны Афырхаҵа, Леон иорден занашьоу Аслан Абаев.

Доброволец из КБР Анзор Яхагоев.
Доброволец из КБР Анзор Яхагоев.

Аслан Абаев иазгәеиҭеит Анзор агәыԥ "Ҟабарда" даланы Аԥсни Қырҭтәылеи рҳәааҟынӡа дышнеиз.

"Игрынӡа ҳаицнеиит. Егьырҭ зегь реиԥш гәымшәарыла деибашьуан. Даара уиқәгәыӷыртә дыҟан", — иҳәоит Абаев.

Аԥсны жәлар Рџьынџьтәылатә еибашьра ашьҭахь Анзор Иахагоев ҩышықәса Аԥсны дынхон, аус иуан.

"Аибашьра ашьҭахь ареспублика автоинспекциаҟны аус иуан, нас аҭаацәара далалеит. Ҟабардаҟа нхараҳәа диасит", — иҳәоит Анзор иашьа.

Аԥсны жәлар Рџьынџьтәылатә еибашьра алахәыла, "Агәымшәараз" амедал занашьаз Анзор Иахагоев иԥсҭазаара далҵит акраамҭа ихьуаз ачымазара иахҟьаны 2015 шықәса ԥхынҷкәын 6 рзы.

Атемақәа:
Иҭыхым аибашьцәа (34)

Ихадоу атемақәа