Ануаԥҳа: амашәыр зымпыҵҟьо реиҳараҩык наркоманцәоуп

© Sputnik / Томас ТхайцукАԥсны анарколаг хада Ирма Ануаԥҳа
Аԥсны анарколаг хада Ирма Ануаԥҳа - Sputnik Аҧсны
Анапаҵаҩра
Аҩныҵҟатәи аусқәа рминистрра адырраҭарақәа рыла 2015 шықәса рзы амҩатә машәырқәа ирыхҟьаны иҭахеит 66-ҩык, 2016 шықәсазы 65-ҩык ауаа.

Аԥсны анарколаг хада Ирма Ануаԥҳа Sputnik акорреспондент Бадри Есиава изеиҭалҳәеит амашәыр зымпыҵҟьо реиҳараҩык наркоманцәоуп мамзаргьы ижәны иҟоуп ҳәа.

– Ирма Константин-иԥҳа анаркоманцәеи мамзаргьы ижәны иҟоуи амашәыр еиҳа лассы-лассы ирыхҟьалома? Астатистика ҳәа акыр ыҟоума?

– Ааи, иҟоуп усеиԥш астатистика. Амҩатә машәыр иалахәу, амашьына аԥсҟы зку зегьы анаркодиспансер ахь иааргоит агәаҭара рахыжьразы. Ауаҩы иҭагылазаашьа бааԥсызар, ҳусуҩцәа уахь инеины анализқәа ргоит.

– Ижәны иҟоу мамзаргьы анаркотикатә маҭәашьар зыдкылоу амашьынарныҟәара дышԥазҟазоу?

Ижәны аԥсҟы зку рмашьынақәа рымхразы азакәан архиара иаҿуп - Sputnik Аҧсны
Ижәны аԥсҟы зку рмашьынақәа рымхразы азакәан архиара иаҿуп

– Ауаҩы иреакциа, иццакра лаҟәхоит, амҩаҟны ицәырҵуа аҭагылазаашьагьы дзацныҟәом. Зны-зынла ауаҩы игәабзиара ашьақәыргыларазы идикыло ахәшәгьы атранспорт хархәагала аныҟәара азин анинамҭо ыҟоуп.

– Аиҳаракгьы амҩатә машәыр зыхҟьо иццакны аныҟәара акәзар ҟалап?

– Ааи, ак зыдкылан иҟоугьы аццакра бзиа ирбоит.

– Ауаҩы амашьына арныҟәара азин иоурц азы анарколог иҟны агәаҭара дахысыр аума?

– Хымԥада. Игәаҭахоит аучот дықәгылоу дықәгыламу. Аучот дықәгылазар — аршаҳаҭга иҭахом, дықәгыламзаргьы ишьа анализ гахоит. Убри ашьҭахь ауп аршаҳаҭга аниоуа.

Ажәабжьқәа зегьы
0