Аԥсны XXX-тәи Женеватәи аиҿцәажәарақәа ирылахәуп

CC0 / / Амилаҭқәа Рхан. Архивтә фото.
Амилаҭқәа Рхан. Архивтә фото. - Sputnik Аҧсны
Анапаҵаҩра
Адәныҟатәи аусқәа рминистрра алахәуп XXX-тәи Жәларбжьаратәи Женеватәи аиҿцәажәарақәа. Урҭ рызкуп Аахыҵ Кавказ ашәарҭадареи аҭышәынтәалареи.

АҞӘА, ԥхҷ 10 – Sputnik. Женева имҩаԥысуеит Аахыҵ Кавказ ашәарҭадареи аҭышәынтәалареи рзы XXX-тәи аиҿцәажәарақәа. Уаҟа Аԥсны, Қырҭтәыла, Аахыҵ Уаԥстәыла, Урыстәыла, Америка, ООН, ОБСЕ уҳәа ирылацәажәоит ашәарҭадара азҵаарақәеи, аибашьра иннажьыз алҵшәақәеи. Абри атәы Sputnik ахь иаанацҳауеит Аԥсны Адәныҟатәи аминистрра.

Итрадициатәу атемақәа инарҷыданы, аиҿцәажәарақәа рҿы ишьҭыхуп азҵаарақәа Қырҭтәылеи, Аԥсни, Аахыҵ Уаԥстәылеи рыбжьара амчра ахамырхәаразы. Иара убас, иқәыргылоу азҵаарақәа ируакуп хабарда ибжьаӡыз рыԥшааразы аусура амҩаԥгара, аибашьра аан Аԥсны иацәыӡыз акультуратә, архивтә документқәа рыргьежьра, аҳәоит Адәныҟатәи аусқәа рминистрра иҟанаҵаз аҳәамҭа.

Иқәгылоу азҵаарақәа рахьтә имаҷым азҿлымҳара амоуп Аԥсни, Аахыҵ Уаԥстәылеи ртәылауаа рганахь ала Европа имҩаԥнаго идискриминациатәу авизатә политика. Аԥсни Аахыҵ Уаԥстәылеи ртәылауаҩратә шәҟәқәа разхаҵаразы азҵаара ықәыргылоуп.

Ажәабжьқәа зегьы
0