Афырхаҵареи ахьӡ-аԥшеи рҳәынқарратә музеи аартуп Аҟәа

© Sputnik Томас ТхайцукАфырхаҵареи, ахьӡ-аԥшеи рҳәынқарратә музеи аартуп Аҟәа
Афырхаҵареи, ахьӡ-аԥшеи рҳәынқарратә музеи аартуп Аҟәа - Sputnik Аҧсны
Анапаҵаҩра
Афырхаҵареи ахьӡ-аԥшеи рҳәынқарратә музеи аатит Лаҭатәи ахлымӡаах иҭахаз ргәалашәара амш азы.

АҞӘА, ԥхҷ 14 – Sputnik, Бадраҟ Аҩӡба. Аԥсны раԥхьатәи Ахада Владислав Арӡынба ихьӡ зху Афырхаҵареи ахьӡ-аԥшеи рҳәынҭқарратә музеи аатит Аҟәа Лаҭатәи ахлымӡаах иалаӡыз ргәалашәара амш аҽны.

Ԥхынҷкәын 14, 1992 шықәсазы аблокада иҭакыз Ҭҟәарчал ақалақь аҟынтә ишьҭыԥрааз авертолет иҭан ахәыҷқәа, зцәа зтәымыз аҳәса, зықәрахь инеихьаз абыргцәа. Ақырҭқәа рнапаҿы иҟаз ақыҭа Лаҭа ианахыԥраауаз, урҭ гәымбалџьбарала авертолет ҭадырхоит, 85-ҩык ауаа уи иҭабылуеит.

"Иахьатәи амш алахь даара еиқәуп, машәырны иҟамлеит амузеи аартра ари амш иахьақәшәаз. Ҳажәлар ргәаҵа иахьа уажәраанӡагьы иҭыҩуеит ажәҩан иалыхәхәа, ирыхьыз рзымдыркәа уа иалаӡыз асабицәа рыҵәаабжь", — лҳәеит амузеи адиректор, Аԥсны Афырхаҵа Мзиа Беиаԥҳа.

Зыԥсадгьыл зхы ақәызҵаз Аԥсны аҵеицәеи, фырхаҵарала еибашьуаз, зыԥсы еиқәхази, аибашьра ашьҭахь иҭахази рыхьӡ акамыршәраз иаартыз амузеи акыр шаҵанакуа атәы лҳәеит Мзиа Беиаԥҳа.

Аԥсны Аҳәынҭқарра Аԥыза-министр актәи ихаҭыԥуаҩ, Аԥсны Афырхаҵа Шамиль Аӡынба иқәгылараан иазгәеиҭеит, амузеи аартра ԥхынҷкәын 14 машәырны ишақәымшәаз, Аԥсны аҭоурых аҿы адаҟьа еиқәаҵәақәа ишреиуоу.

"Аибашьра иалагӡаны арыцҳарақәа рацәаны иҟалеит, аха 22 шықәса раԥхьа иҟалаз ахҭыс иннажьыз ахьаа зегь раҵкыс еиҳауп, ҳарҭ зегь даҽакала ҳҟанаҵеит ари амш", — иҳәеит Аӡынба.

Агәалашәаратә усмҩаԥгатәқәа мҩаԥысит Ҭҟәарчал — авертолет ахьыҵԥрааз, Лаҭа — уи ахьҭархаз, Гәдоуҭа — иҭахаз рыбаҩ ахьамадоу.

Афырхаҵареи, ахьӡ-аԥшеи рҳәынқарратә музеи жә-залк рыла ишьақәгылоуп, ацәыргақәҵа иалоуп аибашьра аҭоурых ихадароу аетапқәа ртәы зҳәо аекспонатқәа. Убас, иҟоуп аудио-афото-авидеоматериалқәа, аибашьра иалахәыз релектронтә база, аибашьцәа иршәыз амаҭәа уҳәа иҵегьгьы.

Амузеи аартра иалахәыз ашәҭқәа шьҭарҵеит Аԥсны раԥхьатәи Ахада Владислав Арӡынба анышә дахьамадоу Ешыра ақыҭан, анаҩс Ахьӡ-аԥша Абаҳчаҿы.

Афырхаҵареи, ахьӡ-аԥшеи рҳәынқарратә музеи аартра аидеиа итәуп уи зыхьӡ аху Аԥсны раԥхьатәи Ахада Владислав Арӡынба.

Ажәабжьқәа зегьы
0