Зантариеи Сысаки апрокуратура ирыднаҵаз ахара иақәшаҳаҭӡам

© Sputnik / Томас Тхайцук"Амшынеиқәафымцамчы" иахагылаз Резо Занҭариа
Амшынеиқәафымцамчы иахагылаз Резо Занҭариа - Sputnik Аҧсны
Анапаҵаҩра
Аҳәынҭқарратә еилахәыра "Амшынеиқәафымцамч" аусура иамхыз Резо Зантариеи акомпаниа аҳасабеилыргаҩ Лиудмила Сысаки Апрокуратура хада ирыднаҵаз ахара иақәшаҳаҭӡам.

АҞӘА, ԥхҷ 31 – Sputnik, Бадраҟ Аҩӡба. Аҳәынҭқарратә еилахәыра "Амшынеиқәафымцамч" иахагылаз Резо Зантариеи уаанӡатәи аҳасабеилыргаҩ  Лиудмила Сысаки Апрокуратура хада ирыднаҵаз ахара иақәшаҳаҭӡам. Абри атәы ажурналистцәа ирыларҳәеит АРСМИРА имҩаԥысуаз аконференциа аҟны.

Аҳәынҭқарратә еилахәыра "Амшынеиқәафымцамч" ҩ-станциак ралгаразы апрокуратура ирыднаҵаз ахара  Резо Занҭариа далацәажо иазгәаиҭеит астанциақәа Аԥсны ишыҟоу, Аԥсны ишатәу.

Занҭариа инаҵшьны иазгәаиҭеит 2002 шықәсазы Аминистрцә Реилазаара  аӡбараала астанциа "Амшынеиқәафымцамч" аҳәынҭқарра абаланс ахь ишыиагаз.

"Уи апроект анагӡара азы ихымԥадатәиин Аԥсни Қырҭтәылеи рыбжьара аиқәшаҳаҭра абжьаҵара, аквотақәа рышьақәыргылара ала астанциа абаланс ахь аиагара, аха уи аус аҿиара амоуит", – иҳәеит Резо Зантариа.

Аҳәынҭқарратә еилахәыра "Амшынеиқәафымцамч" иахагылаз Резо Занҭараиа иазгәеиҭеит, уи астанциа атәзаара аӡәгьы мап ацәикӡом, аха аҳәынҭқарра абаланс ахь аиагаразы амаҵ азура, аныҟәгара аҭахуп ҳәа.

"Амшынеиқәафымцамч" аҳасабеилыргаҩ хада Лиудмила Сысак апрокуратура илыднаҵаз ахара ҵаҵӷәыдоуп ҳәа азылҳәеит.

"Аҳәынҭқарратә еилахәыра "Амшынеиқәафымцамч" имҩаԥнпгоз аусқәа зегьы иақәнагаз аекспретиза иахысхьан, убри аҟынтә иҳаду ахара ҵаҵӷәыдоуп", – лҳәеит Сысак.

Убри анахыс лара иазгәалҭеит акомпаниа арҽеира-еиҭашьақәыргыларатә усқәа аплан инқәыршәаны ишымҩаԥысуаз, закәанла уи аус ахә ақәӡам.

Апрокуратура ирыднаҵаз ахара иҵаҵӷәыдоу аԥара аныхраҳаракқәа Резо Зантариа излаиҳәо ала уи документациатә гхан.

Зантраиа излаиҳәо ала афымцамч Қырҭтәыла иқәынхо ауаа рзы аҭира иуадаҩу, акыраамаҭа иӡбамыз зҵаароуп.

"Иҟан аамҭа арҭ ақыҭақәа ианырзоужьмыз афымцамч, хымыз ирҭагӡаны иаҟәымҵӡакәа атрансформаторқәа ҭҟәацон, афымцацәаҳәақәа ԥхасҭахон, уи ашьҭахь ауп Аԥсни Қырҭтәылеи анеилаӡ, Қырҭтәыла аҩқыҭак  алашара арыҭара ианалага", – иҳәеит Занҭариа.

Ԥхынҷкәын 18 апрокуратура  ҩуск хацдыркит аҳәынҭқарратә комитет "Амшынеиқәафымцамчы" иахагылаз Резо Занҭариа "ашәахтәқәа рыхә амшәара", "амаҵуратә ҭакԥхықәра ацәыгьхархәара" астатиақәа рыла, иара убас абухгалтер хада Лиудмила Сысак "ашәахтәқәа ршәара ацәхьаҵра" ахәҭаҷ ала.

Апрокуратура иамоу адыррақәа рыла, Резо Занҭариа 6 093 704 мааҭ рыла аҳәынҭқарра ааха аиҭеит, ашәахтә ашәара ацәхьаҵра ишьақәнаргылеит 8 186 426 мааҭ.

Ажәабжьқәа зегьы
0