Адгәыр Ӡиӡариа: акарикатура – иҷыдоу алаф хкыуп

© Sputnik / Томас ТхайцукАсахьаҭыхҩы Адгәыр Ӡиӡариа
Асахьаҭыхҩы Адгәыр Ӡиӡариа - Sputnik Аҧсны
Анапаҵаҩра
Аԥсуа сахьаҭыхҩы Адгәыр Ӡиӡариа даршанхеит аредакциа Charlie Hebdo аусзуҩцәа гәымбылџьбаралатәи рышьра.

АҞӘА, ажь 9 янв – Sputnik, Роберт Џьопуа. Аԥсны асахьаҭыхыҩцәа реидгыла ахантәаҩы Адгәыр Ӡиӡариа излаиԥхьаӡо ала,  агазеҭ Charlie Hebdo аусзуҩцәа рықәлара гьангьашроуп, цәгьоура дууп. Абри атәы иҳәеит Sputnik акорреспондент иҿцәажәараан.

"Акарикатура – иҷыдоу алаф хкыуп. Аӡәы изеилымкаар ҟалоит уи иаҵоу алаф. Иҟалоит, уа аҳәынҵәақәҭәара ҳәа акгьы ыҟамзар", – иҳәеит асахьаҭыхҩы.

Адгәыр Ӡиӡариа игәаанагарала, аӡбарҭаҿы мацароуп иахьышьақәдырӷәӷәаша асахьаҭыхҩы иду ахара заҟароу.

"Иҟалаз ахҭыс иаанарԥшуеит европаа рычҳара  иацу абзиа инаваргыланы ацәгьагьы ахылҿиаар шалшо. Иахьа европаа шәышықәсалатәи рытрадициақәак еиҭарыхәаԥшны ҿыц анхашьа рҵалароуп", – ҳәа агәра ганы дыҟоуп Ӡиӡариа.

Ахаша, ажьырныҳәа 7 рзы ацәгьоуцәа Charlie Hebdo аредакциа иақәлан, уа итәаз ауаа ирылахысуа иалагеит. Ақәылара иахҟьаны 12-ҩык ҭахеит, даҽа 11-ҩык ахәрақәа рымоуп. Ацәгьоуцәа бналеит.

Ажәабжьқәа зегьы
0