Лука Гаделиеи Кристина Ешԥҳаи Казань иқәгылоит

© Фото : Алан ВоубаЛука Гаделиеи Кристина Эшԥҳаи
Лука Гаделиеи Кристина Эшԥҳаи - Sputnik Аҧсны
Анапаҵаҩра
Ауарӷанарҳәаҩы Лука Гаделиеи асопрано Кристина Ешԥҳаи еилахәу рконцерт мҩаԥгахоит Татарстан аҳҭнықалақь Казань Аҳәынҭқарратә концерттә зал ду аҟны, ажьырныҳәамза 18 рзы.

АҞӘА, ажь 16 – Sputnik, Бадраҟ Аҩӡба. Аԥснытәи амузыкантцәа Лука Гаделиеи ашәаҳәаҩы Кристина Ешԥҳаи рконцерт мҩаԥысуеит "Урыстәылеи Аԥсныи ркультуратә сезонқәа" рҳәаақәа ирҭагӡаны.

"Ари аконцерт ала ихыркәшахоит ҩ-жәларык рыбжьара адоуҳатә, арҿиаратә еимадарақәа рырӷәӷәара иацхраауа акультуратә сезон", – иҳәеит Гаделиа.

Аконцерттә программа ҩ-хәҭакны еихшоуп: актәи азбжазы барокко аепохахь иаҵанакуа акомпозициақәа адырҳәоит, аҩбатәи азбжа аатуеит аклассикатә "Аԥсуа каприччио".

"Урыстәылеи Аԥсныи ркультуратә сезонқәа" мҩаԥысуеижьҭеи сынтәа ԥшьы-шықәса ҵуеит. Ари аамҭа иалагӡаны Гаделиеи Ешԥҳаи Урыстәыла асцена дуқәа акырџьара рҟны иқәгылеит, ақалақьқәа Набережные Челны, Иарославль уахь иналаҵаны. Казань имҩаԥысуа аконцерт ала ихыркәшахоит сынтәатәи 2013-2014 шықәсқәа рзтәи акультуратә сезон.

Ажәабжьқәа зегьы
0