АҞӘА, жьҭ 22 – Sputnik, Роберт Џьопуа. Аконституциа аиҭакрақәа алагаларазы акомиссиа имҩаԥнагаз аилатәара аан Аԥсны Ахада Рауль Хаџьымба Аҳәынҭқарра Аконституциа аԥсахра шаҭаху азгәеиҭеит.
"Ашықәс анҵәамҭазы Аҳәынҭқарра ахада инапынҵақәа реихшара, аҭыԥтә ахаланапхгаратә органқәа, апарламент ашьақәыргылара апринципқәа рыазҵаарқәа ҳаиҭахәаԥшроуп", иҳәеит Ахада Рауль Хаџьымба.
Аилатәараҟны ишьҭыхыз азҵаарақәа ралацәажәараан акомиссиа алахәылацәа рыбжьара еиуеиԥшым агәаанагарақәа ҳәан. Ахада аусеицура шымариамхо дақәшаҳаҭхеит, аха иазгәеиҭеит уи аҳәынҭқарреи ажәлари рзы алҵшәа бзиақәа шамзаауа.
Еиҿкааз аконституциа аиҭакрақәа рзы акомиссиа иалахәуп Жәлар реизара ахантәаҩы Валери Бганба, Ашәарҭадаратә Хеилак амаӡаныҟәгаҩ Муҳамед Кьылба, Апарламент адепутатцәа, азиндырыҩцәа, аполитикатә партиақәа рхаҭарнакцәа. Акомиссиа дахагылеит Аԥсны Аҳәынҭқарра Ахада.
