Владислав Арӡынба игәалашәара иазку аконцерт Москва имҩаԥысуеит

© Sputnik / Алексей Даничев / Амедиаҵәахырҭахь аиасраВладислав Арӡынба игәалашәара иазку аконцертМосква имҩаԥысуеит
Владислав Арӡынба игәалашәара иазку аконцертМосква имҩаԥысуеит - Sputnik Аҧсны
Анапаҵаҩра
Аорӷанарҳәаҩ Лука Гаделиеи ашәаҳәаҩ Елена Анқәабԥҳаи асабша Москва Михаил Глинка ихьӡ зху Адунезегьтәи амузыкатә культура реидгыла Прокофиевтәи азал аҟны еицықәгылоит.

АҞӘА, мшԥ 11 – Sputnik, Бадраҟ Аҩӡба. Аорӷанарҳәаҩ Лука Гаделиеи ашәаҳәаҩ Елена Анқәабԥҳаи асабша Владислав Арӡынба диижьҭеи 70 шықәса аҵра иазку аконцерт аҟны еицықәгылоит. Абри атәы Sputnik акорреспондент иеиҳәеит Лука Гаделиа.

Аԥсны аҳәынҭқарратә филармониа асолист Лука Гаделиеи, жәларбжьаратәи аконкурсқәа рлауреат Елена Анқәабԥҳаи инарыгӡоит аорӷан арҳәареи ашәаҳәареи рҿы иклассикатәхаз аԥҵамҭақәа. Уи адагьы ахәылԥаз асасцәа афортепиано иазыӡырҩырц алшара роуеит Гнесинаа рыхьӡ зху Урыстәыла амузыка академиа астудентка Ельвира Чаилаки, москватәи амузыкант Ольга Плетниковои рынагӡара ала.

"Сара сзы ари аконцерт даара акраҵанакуеит. Владислав Григори-иԥа Арӡынба иԥсадгьыл аиқәырхареи аҿиареи ихы ақәиҵеит, Аԥсны ахьӡ егьырҭ атәылақә рҟны аҭыгара ҳалшартә ҳҟазҵаз иара иуп. Иара убас сара агәахәара снаҭоит ари азал аҟны ақәгылара, избанзар араҟа иҟоу аорӷан "Александр Шуке" ифирма ауп изыргылаз, иаҳҳәар ауеит уи Пицундатәи аорӷан "аиашьа аиҵбы" ауп ҳәа. Убри аҟнытә иахьатәи аконцерт сара сзы асимволтә ҵакы амоуп", — иҳәеит Лука Гаделиа.

Аконцерт ашҟа ааԥхьара рымоуп Урыстәыла иҟоу Аԥсны ахаҭарнак Игор Ахба, Урыстәыла аполитикцәеи, ауаажәлари, ауаажәларратә еиҿкаара "Москватәи аԥсуа диаспора" ахаҭарнакцәа. Ахәылԥаз мҩаԥылгоит "Москватәи аԥсуа диаспора" аиҳабыра иалоу Есма Ҳагԥҳа.

Владислав Арӡынба игәалашәара иазку аконцерт амҩаԥгара хацдыркит Аԥсуа-абаза жәлар адунеизегьтәи рконгресс.


 

Ажәабжьқәа зегьы
0