ААУ аҟны имҩаԥысуеит Арӡынба 70 шықәса ихыҵра иадҳәалоу аконференциа

© Фото : Алхас ЧхамалияНаучно-практическая конференция студентов, аспирантов и молодых преподавателей, посвященная 70-летию В. Г. Ардзинба
Научно-практическая конференция студентов, аспирантов и молодых преподавателей, посвященная 70-летию В. Г. Ардзинба - Sputnik Аҧсны
Анапаҵаҩра
Аконференциа х-секциак рҟны имҩаԥысуеит: аԥсуа бызшәеи алитературеи, аурыс бызшәеи алитературеи, англызи агермани бызшәақәа.

АҞӘА, мшԥ 27 – Sputnik, Бадраҟ Аҩӡба. Аԥснытәи аҳәынҭқарратә университет, афилологиатә факультет аҟны иаатит Аԥсны раԥхьатәи ахада Владислав Григори-иԥа Арӡынба 70 шықәса ихыҵра иадҳәалоу астудентцәеи, аспирантцәеи, арҵаҩцәа ҿарацәеи рыҭҵаарадырратә конференциа.

"Владислав Арӡынба — даараӡа зҵакы дуу ҭоурыхтә хаҭараны дызлаҟоу ала, уи идҳәалоу иарбан усумҭазаалак изызҳауа аҿар рзы акраҵанакуеит. Ҳажәлар агәыӷра ҳаманы ҳаԥхьаҟа изырԥшуа ҳԥыза ду илиршаз ауп", — иҳәеит аԥсуа литература акафедра арҵаҩы Ахра Анқәаб.

Аконференциа апленартә еилатәараҟны Ахра Анқәаб Владислав Арӡынба изкны аԥсуа поетцәа раԥҵамҭақәа рзы ажәахә даԥхьеит. Аурыс бызшәеи алитературеи азанааҭ ахԥатәи акурс астуденка Фаина Кәыҵниаԥҳа лықәгылара азкын Владислав Арӡынба иполитикатә дискурс  аидиоматика.

Апленартә еилатәара ашьҭахь аконференциа алахәцәа еихшан дасу зҵанакуа асекциақәа рахь.

Владислав Арӡынба 70 шықәса ихыҵра иадҳәалоу аконференциа ҽнак имҩаԥысуеит. Аконференциа х-секциак рыла ишьақәгылоуп: аԥсуа бызшәеи алитературеи, аурыс бызшәеи алитературеи, англызи агермани бызшәақәа.

Ажәабжьқәа зегьы
0