Беслан Ҳагба: Нургалиеви сареи ҳаиԥылара алҵшәа змаз еиԥыларан

© Sputnik Томас ТхайцукАԥсны Аҩныҵҟатәи аусқәа рминистр Беслан Ҳагба
Аԥсны Аҩныҵҟатәи аусқәа рминистр Беслан Ҳагба - Sputnik Аҧсны
Анапаҵаҩра
Аԥсны Аҳәынҭқарра Аҩныҵҟатәи аусқәа рминистр Беслан Ҳагбеи Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиеви аиԥылара рыман.

АҞӘА, ԥхынгәы 14, Sputnik, Роберт Џьопуа. Аԥсны Аҳәынҭқарра Аҩныҵҟатәи аусқәа рминистр Беслан Ҳагба иҳәеит Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиеви иареи реиԥылара алҵшәа зманы иҟаз еиԥыларан ҳәа.

"Сара избарҭан ҳазлацәажәоз апроблемақәа рганахьала аилкаара иманы дшыҟаз. Иара иҳәеит урҭқәа Москвагьы дрылацәажәараны дшыҟоу. Сгәы иаанагоит иаарласны аԥсахрақәа ҳнырыртә иҟалап ҳәа", — иҳәеит Ҳагба.

Ажурналист изҵаара аҭак ҟаҵо Ҳагба иазгәеиҭеит аиԥылараҟны Аԥсни Урыстәылеи Аҩныҵҟатәи аусқәа рминистррақәа ринформациа-координациатә центр аԥҵаразы аиқәшаҳаҭра апроект ишалацәажәаз.

Рашид Нургалиев усутә визитла Аԥсны даҭааит

"Ирацәаны азҵаарақәа ирылацәажәан. Иалацәажәан ари апроектгьы. Иазгәасҭоит иахьа уи инарҭбааны ҳшаламцәажәаз, избанзар аиқәшаҳаҭра апроект ауп макьаназ иҳамоу. Ҳара иазгәаҳҭаз аинформациа-координациатә центр аҟазаара аҭахны ишыҟоу ауп", — азгәеиҭеит аминистр.

Беслан Ҳагба иажәақәа рыла, аиԥылараҟны еиҳа излацәажәо зҵаарақәаны иҟаз Аԥсны Аҩныҵҟатәи аусқәа рминистрра аштаттә аки аԥаразоужьреи ракәын.

Акорреспондент идыррақәа рыла 14:30 сааҭ рзы еиԥылараны иҟан Рашид Нургалиеви Аԥсны Атәылахьчара аминистр Мираб Кьышьмариеи, 16:30 сааҭ рзы – Аԥсны Ахада Рауль Ҳаџьымбеи иареи.

Ажәабжьқәа зегьы
0