Аԥсны Ахада Рауль Ҳаџьымбеи Жәлар Реизара адепутатцәа дырԥылеит

© Sputnik Томас ТхайцукАпарламент аилатәара. Архивтә фото
Апарламент аилатәара. Архивтә фото - Sputnik Аҧсны
Анапаҵаҩра
Аԥсны Ахада Рауль Ҳаџьымбеи Жәлар Реизара адепутатцәа дырԥылеит аҩныҵҟатәии адәныҟатәии аполитика азҵаарақәа рылацәажәаразы.

АҞӘА, цәыббра 8 — Sputnik. Аԥсны Ахада Рауль Ҳаџьымбеи Жәлар Реизара адепутатцәа дырԥылеит аԥхынтәи рыԥсшьара анынҵәа раԥхьатәи амш азы. Абри атәы аанацҳауеит атәыла Ахада иофициалтә саит.

Рауль Ҳаџьымба иазгәеиҭеит атәыла амчрақәа русеицура аиқәыршәара аҵак ду аманы ишыҟоу.

"Еиуеиԥшым агәаанагарақәа рыҟазаара сара сацәшәаӡом. Аха ҳара зегьы иаашаны ҳаилибакаауазароуп", — иҳәеит иара.

Жәлар Реизара аиҳабы Валерии Бганба 2016 шықәса рзы Апарламент аҿаԥхьа иқәгылоу аӡбатәқәа дрылацәажәеит, арахь иаҵеиркит 2014 шықәса абҵара 24 рзы анапы зҵаҩыз Аиқәшаҳаҭра аҩныҵҟа иазырхиахо егьырҭ аиқәшаҳаҭрақәа рганахьала аусурақәагьы.

Аԥсшьаратә сезон алҵшәақәа еихшьаало Ҳаџьымба иазгәеиҭеит сынтәа аԥсшьаҩцәа рырацәара.

"Ҳара ҳгәы иаанагоит ҳаԥхьаҟагьы ус иҟалап ҳәа. Ҽаантәи асезон иныҭкааны аҽазыҟаҵара аҭахуп, еиҳаракгьы аинфраструктура аганахьала", — иҳәеит Ахада.

Ажәабжьқәа зегьы
0