АҞӘА, цәыббра 14 — Sputnik, Роберт Џьопуа. Аџьиԥ-триал азы аицлабрақәа "Гәыма – 2015" мҩаԥысит Аҟәа араион Каман ақыҭан. Аицлабрақәа ҩ-хәҭакны ишан: актәи ахь иаҵанакуан 33 диуим змоу абарбалқәа ирыҵаркуа амашьынақәа, аҩбатәи – еиҳа еиҳау. Иааидкыланы аицлабрақәа ирылахәуп 19 екипаж.
Асабша, цәыббра 12 рзы Каман ақыҭан имҩаԥысыз аицлабрақәа рҟны аԥхьахә ргеит Аҟәеи Краснодари рҟынтәи автобзиабаҩцәа.
Актәа акатегориаҟны аиааира агеит Краснодартәи аекипаж – апиллот Виачеслав Ермакови аштурман Иван Шмонини автомобиль Jeep ала иаадырԥшит иреиӷьыз алҵшәақәа. атрасса ианысит минуҭки 47 секунди рыла. Акатегориа 35 ахь иаҵанакуаз рҟынтәи аиааира ргеит аԥсуа спортсменцәа. борис Торосиани Валерии Асланиани автомобиль УАЗ ала адистанциа ианысит 5 минуҭки 23 секунди рыла.
Аицлабрақәа рҟны аиааира згаз иранашьан амедалқәеи хәы змоу аҳамҭақәеи.
Аицлабрақәа реиҿкааҩцәа автоклуб "Аиааира" абаҩарҵәыреи аспорти рзы аҳәынҭқарратә Еилакы, Аҟәа ақалақь Ахадара аҿари аспорти рызҵаарақәа рзы Аилак, автомобилтә еилазаара "Джиперы Сочи".
Информациатә партниорк иаҳасабала иқәгылоит аинформациатә маҵзура Sputnik Аԥсны. Иара аиндаҭларақәа рымҩаԥысшьа атәы еиҭанаҳәалоит.
Sputnik Абхазиа автоеицлабрақәа "Аиааира агәазыҳәара" иалахәыз ҩыџьа ирананашьеит абонементқәа (амашьына хәыда-ԥсада хәынтә аӡәӡәараз).
Џьиԥ-триал аиндаҭларақәа мҩаԥысуеит иԥсабаратәуи иԥсабаратәыми аԥынгылақәа ахьыҟоу аҭыԥқәа рҟны. Аиндаҭлара иахықәкуп аамҭа маҷ иалагӡаны иазылху амҩа ахысра.
