16:09 17 Ԥхынгәы 2018
Ишиашоу ицо аефир
  • USD62.44
  • EUR73.24
Выставка.

Аҟәа иаатит ацәыргақәҵа "Обстоятельства места и времени"

© Sputnik Роберт Джопуа
Аԥсны
Икьаҿу ахьарԥш аиура
12 0 0

Аҟәа иаатыз ацәыргақәҵа "Обстоятельства места и времени" иҳаднагалоит ҳаамҭазтәи Аԥсныи Швеицариеи рсахьаҭыхыҩцәа рҟазара.

АҞӘА, жьҭаара 21 — Sputnik, Роберт Џьапуа. Аҩаша, жьҭаара 20 рзы Аҟәа иаатыз  ацәыргақәҵа "Обстоятельства места и времени" иҳаднагалоит Аԥсни Швеицариеи рсахьаҭыхыҩцәа  ҳаамҭазтәи рҟазара.

Ацәыргақәҵа аиҿкааҩцәа руаӡәк Асида Быҭәԥҳа ҳкорреспондент ишизеиҭалҳәаз ала, ацәыргақәҵа амҩаԥгара аидеиа цәырҵит ҵыԥх, Швеицариа имҩаԥысуаз аворкшоп (англ. ажәа – асеминарқәеи, амастер-классқәеи, атренингқәеи инарываргыланы адыррақәа узҭо аусмҩаԥгатә) аҟны.

"Базель ҳара иҳаздырамызт иҟало шыҟалашаз, аха иааџьоушьартә зегь бзиан имҩаԥысит. Ҳара ҳхы ҳшақәымгәыӷуаз еиԥш зегь маншәалахеит. Абри ашьҭахь даара иаҳҭаххеит аратәи ауаагьы асахьаҭыхыҩ акы дахьыԥшымкәа ирҿиара мҩаԥигар шыҟало рбарц", — ҳәа азгәалҭеит Быҭәԥҳа.

Татиана Ергунова ацәыргақәҵа аиҿкааҩцәа дагьыруаӡәкуп, дагьлахәылоуп. Лара лажәақәа рыла, аԥснытәии швеицариатәии асахьаҭыхыҩцәа ицәырыргеит еиуеиԥшым аусумҭақәа.

"Араҟа иубоит амультимедиа, аҿыханҵа, аграфика, афотопатреҭқәа.  Аԥсуа сахьаҭыхыҩцәа уаанӡатәи рҳәааркырақәа ирҭыҵит русумҭақәа рҟны", — ҳәа азгәалҭеит Ергунова.

Аҟәа иаатыз  ацәыргақәҵа "Обстоятельства места и времени" иҳаднагалоит Аԥсни Швеицариеи рсахьаҭыхыҩцәа  ҳаамҭазтәи рҟазара. Иара мҩаԥысуеит Аԥсны Ацентртә цәыргақәҵатә зал аҟны, абҵара 1 аҟынӡа. Аҭааҩцәа рзы иаартуп асааҭ 12.00 инаркны 20.00 сааҭ рҟынӡа.

Ихадоу атемақәа