18:47 19 Жьҭаара 2018
Ишиашоу ицо аефир
  • USD65.81
  • EUR75.32
митинг

Аҟәа Аԥсуа драматә театр аҿаԥхьа еизеит атәыла Ахада идгылаҩцәа

© Sputnik Томас Тхайцук
Аԥсны
Икьаҿу ахьарԥш аиура
Аԥсны ишьақәгылаз аполитикатә ҭагылазаашьа (17)
36 0 0

Аԥсуа драматә театр аҿаԥхьа еизеит Аԥсны атәылауаа, атәыла анапхгара имҩаԥнаго аполитика ишадгылоу аарԥшразы.

АҞӘА, жьҭаара 21 — Sputnik, Бадраҟ Аҩӡба. Самсон Ҷанба ихьӡ зху Аԥсуа драматә театр аҿаԥхьа еизеит Аԥсны атәылауаа атәыла анапхгара ишрыдгыло аарԥшразы ҳәа аҭыԥ аҟынтәи иааицҳауеит ҳкорреспондент. Иара иажәақәа рыла, еизаз рхыԥхьаӡара ҩ-нызқьҩык рҟынӡа инаӡоит.

"Ҳара амитинг мҩаԥаагоит атәыла ауааԥсыра рҟынӡа иҟоу аҭагылазаашьазы аинформациа наҳгарц. Зны-зынла анахьгьы арахьгьы ҳдырхоит, убри азоуп аоппозициа аизара ду иақәыршәаны ҳаргьы амитинг зеиҿаҳкааз", — иҳәеит амитинг алахәыла, адепутат Даур Аршба, аизара аартуа.

Аршба иазгәеиҭеит аҳәынҭқарра аргылараан зегь шуҭаху еиԥш ишыҟамло. Аха аоппозициа атәыла анапхгара ԥхьатәара ицароуп ҳәа ирҳәо аҿиаразы хра аманы иҟам ҳәа агәаанагара имоуп иара.

Аԥсны атәылауаа амитинг ахь иааит иахьатәи атәыла анапхгара ишрыдгыло шьақәдырӷәӷәарц.

"Ҳара иахьа арахь ҳааит атәыла Ахада ҳидгыларц. Ҳара аҭышәынтәалара ҳҭахуп, убриазоуп абра ҳзыҟоу", — иҳәеит амитинг алахәыла Митиа Ҳашба.

Адраматә театр аҿаԥхьа еизаз ауаа  агәрахаҵара рымоуп атәылаҟны аҭыԥ змоу аилибамкаарақәа, аиҿагыларақәа азакәан аҳәаақәа ирҭагӡаны иӡбалатәуп ҳәа.

"Аамҭа зынӡа имаҷны ицеит анапхгара ҿыц аусура иалагеижьҭеи. Сара сгәы иаанагоит "атәыла анапхгара ҿыц русура убарҭам" ҳәа аоппозициа алахәылацәа ианырҳәо иццакцәоит", — ҳәа азгәеиҭеит аизара аҽа лахәылак – Сергеи Ҳаџьымба.

Атәыла Ахада идгылаҩцәа рмитинг мҩаԥыргоит  апартиа "Амцахара" изаамҭанытәиу VI-тәи аизара ду аҭакс.

Атемақәа:
Аԥсны ишьақәгылаз аполитикатә ҭагылазаашьа (17)

Ихадоу атемақәа