18:20 19 Жьҭаара 2018
Ишиашоу ицо аефир
  • USD65.81
  • EUR75.32
Автондил Гарцкия.

Гарцкиа: аныҳәақәа рзы 15 000-ҩык рҟынӡа аԥсшьаҩцәа аап ҳәа ҳаԥшуп

© Sputnik Томас Тхайцук
Аԥсны
Икьаҿу ахьарԥш аиура
13 0 0

Аныҳәақәа рзы 15 000-ҩык рҟынӡа аԥсшьаҩцәа аап ҳәа ҳаԥшуп иҳәеит Акурортқәеи атуризми рзы аминистр Авҭандил Гарцкиа.

АҞӘА, ԥхынҷкәын 30 — Sputnik, Асҭанда Арӡынԥҳа. Аныҳәақәа рзы 15 000-ҩык рҟынӡа аԥсшьаҩцәеи 20 000-ҩык рҟынӡа Шәачантәи аекскурсантцәеи Аԥсныҟа иаап ҳәа ҳаԥшуп, иҳәеит Акурортқәеи атуризми рзы аминистр Авҭандил Гарцкиа.

Аминистр иажәақәа рыла аӡынтәи аамҭазы ареспубликаҟны аус руеит 20 процент рҟынӡа аԥсшьарҭатә обиектқәа. Уи адагьы ирацәахо иалагеит мышкы-ҩымшҳәа Шәачантәи Аԥсныҟа иаауа аекскурсантцәа.

"Ҵыԥх, ашықәсҿыцазтәи аныҳәамшқәа раан ԥсшьара ҳәа арахь иааит иааидкыланы 15 000-ҩык аԥсшьаҩцәа. Сынтәагьы ус акәхоит ҳәа агәаанагара ҳамоуп. Шәачантәигьы аекскурсантцәагьы ҳарзыԥшуп", — иҳәеит аминистр.

Ус шакәугьы Ҭырқәтәылеи Египети рышә ахьадыркыз инамаданы аҭагылазаашьа еиӷьхап ҳәа агәыӷра ыҟоуп.

Уи адагьы Урыстәыла иааиуа ашықәсқәа рзы аҩныҵҟатә туризм арҿиараны иҟоуп. Ҟрым Аԥсны аконкуренциа анаҭашт, иҳәеит Гарцкиа. Зыргылара иаҿу ацҳа ҩышықәсаҟа иагоит.

"Арҭ ашықәсқәа рыла ҳаамҭа иақәшәо акурорт аргылара ҳалшап ҳәа сыҟоуп", — азгәеиҭеит аминистр.

Аӡынразы Аԥсны аус руеит амузеиқәа, атеатрқәа. Амаршрутқәа, Гагра, Пицунда, Афон ҿыц, Риҵатәи амилаҭтә парк, Аҟәа шракәу иаанхоит.

"Асасцәа ирбар алшоит ауахәамақәа, аныхабаақәа, Афонҿыцтәи аҳаԥы. Риҵаҟа амҩа аатыр, уахьгьы ахалара алшоит. Ԥхынгьы ӡынгьы Аботаникатә баҳча, Амаамынқәа рпитомник, Аҟәатәи амшынԥшаҳәа рбара алшоит", — иҳәеит аминистр.

Гарцкиа ишиҳәаз ала Аԥсны аԥсшьара бренд ҳасабла иҟалароуп.

"Хеменгуеи иажәабжьқәа руак "Там, где светло и чисто" Париж иазкуп. Илашоу, иԥшӡоу, ицқьоу. Ҳаргьы абри аҩыза ҳҽазаҳшәалароуп. Нас ирҳәо иалагеит "Увидеть Париж и умереть" ҳәа. Ижәбома аҽыԥсахрақәа?" — иҳәеит Гарцкиа.

Аслоган "Апсны — страна души" инагӡаны аусура иалагароуп ҳәа азиԥхьаӡоит аминистр.

"Ҳтәыла аҳаҭыр ҳараклатәуп. Иаауа асасцәагьы акомфортмаҵзура рыҭалатәуп".

Аминистр Аԥсны ауааԥсыреи асасцәеи иааиуа Ашықәс ҿыц рыдиныҳәалеит. Иазгәеиҭеит Аԥсны аԥсшьара аԥсҭазаара ишацнаҵо.

Ихадоу атемақәа