16:53 26 Лаҵара 2018
Аҟәа+ 24°C
Ишиашоу ицо аефир
  • USD61.67
  • EUR72.12
Аптека. Архивное фото.

Аимҳәачымазара инадҳәаланы Аԥсны акарантин рылаҳәоуп

© Sputnik Томас Тхайцук
Аԥсны
Икьаҿу ахьарԥш аиура
26 0 0

Аԥсны Агәабзиарахьчара аминистрра Аԥсны акарантин рыланаҳәеит ажьырныҳәа 26 инаркны жәабранмза 15 рҟынӡа ицәырҵыз аимҳәачымазара иахырҟьаны.

АҞӘА, ажьырныҳәа 26 — Sputnik, Бадраҟ Аҩӡба. Агәабзиарахьчара аминистрра Ақәҵара анапы аҵанаҩит ашколқәраҟынӡатәи аусҳәарҭақәеи, ашколқәеи, иреиҳаӡоу аҵаратә усҳәарҭақәеи рҟны ажьырныҳәа 26 инаркны жәабранмза 15 рҟынӡа ицәырҵыз аимҳәачымазара иахырҟьаны акарантин алагалазарц.

"Иааидкыланы ареспубликаҟны ачымазара аепидемиологиатә шәхымс иахыҵны иҟам", — иҳәеит аминистр ихаҭыԥуаҩ Баҭал Кациа.

Иара убасгьы иациҵеит Агәабзиарахьчара аминистрра Аԥыза-министр иахь аҳәара шыҟанаҵаз акультура-массатәи, аспорттәи егьырҭ ауаа рацәа злахәу ауснагӡатәқәеи рымҩаԥгара аамҭала иаанкылахарц.

"Ауаа рацәа ахьыҟоу анеира аҽацәыхьчара аҭахуп. Аҩны ма аусураҟны аимҳәа зыхьны иҟоу ыҟазар, асабардақәа шәҿашәҵала, ауадақәа аԥша рыҩнашәырсла. Ашоура 39 иацны ихалозар, аҳақьым иахь хымԥада идҵаалатәуп", — иҳәеит Кациа.

Иара убасгьы иазгәеиҭеит хаԥышәала аҽыхәышәтәра шыҟамло.

Ихадоу атемақәа