Арсалиа: Аԥсныи Ҟарачы-Черқьесски ркультуратә еимадара рӷәӷәатәуп

© Sputnik Бадрак АвидзбаАԥсны акультура аминистр Ельвира Арсалиеи Ҟарачы-Черқьессктәи ареспублика акультура аминистр Мадина Гоговеи имҩаԥыргеит аиԥылара.
Аԥсны акультура аминистр  Ельвира Арсалиеи Ҟарачы-Черқьессктәи ареспублика акультура аминистр Мадина Гоговеи имҩаԥыргеит аиԥылара. - Sputnik Аҧсны
Анапаҵаҩра
Аԥсны акультура аминистр Ельвира Арсалиеи Ҟарачы-Черқьессктәи ареспублика акультура аминистр Мадина Гоговеи имҩаԥыргеит аиԥылара

Аҟәа, ажьырныҳәа 27 — Sputnik, Рада Ажьиԥҳа. Аԥсныи Ҟарачы-Черқьессктәи ареспубликеи рыбжьара ирҭбаатәуп акультуратә еимадарақәа, абри атәы лҳәеит Аԥсны акультуреи аҭоурыхтә-культуратә ҭынха ахьчареи рминистр Ельвира Арсалиаԥҳа Ҟарачы-Черқьессктәи ареспублика акультура аминистр Мадина Гоговеи лареи реиԥылараҿы.

"2015 шықәса иалагӡаны ирацәоуп Ҟарачы-Черқьесск имҩаԥысыз аԥсуа акультура аазырԥшуа аусмҩаԥгатәқәа, аҵыхәтәан имҩаԥгаз иреиуоуп Аԥсны раԥхьатәи ахада Владислав Арӡынба игәаларшәара иазкыз ацәыргақәҵа", — ацылҵеит уи.

Ҟарачы-Черқьессктәи ареспублика акультура аминистр Мадина Гогова Аԥсны лыҟазаара ҽнактәи усуратә визитуп. Илзаԥҵәоу аамҭа иалагӡаны лара Аԥсны илдырбеит акультуратә хәышҭаарақәа жәпакы.

"Ари амш иалагӡаны иазыҳаӡбоит 2016-тәи ашықәс азы ашәҟәыҩҩцәеи, асахьаҭыхҩцәеи, атеатри рыбжьара имҩаԥаагаран иҟоу ауснагӡатәқәа. Аԥсни Ҟарачы-Черқьесски ркультуратә еимадарақәа шьҭарнахыс еиԥымкрада иҟазаауеит. Ареспубликақәа рҭоурыхи, ркультуреи еснагь еиларсын", — лҳәеит Арсалиа.

Аминистр лажәақәа рыла, 2016 шықәсазы ареспубликақәа рыбжьара ирацәахоит  акультуратә усмҩаԥгатәқәа, урҭ еиҳа инарҭбаан ирылацәажәахоит, иазхәыцхоит.

"Ҳара ҳахиоуп акультура ахырхарҭақәа зегьы рыла аимадара ҳабжьаҳҵарц азы. Гәахәароуп сара сзы Аԥсны аҟазаара. Аԥсуа ашәаҳәаратә-акәашаратә  ансамблькәеи, ашәҟәкәеи, ауаа дуқәеи рыла ибзианы издыруеит Аԥсны аҭоурых, акультура", –лҳәеит Ҟарачы-Черқьесск ареспублика акультура аминистр Мадина Гогова.

"Ҳара ҳазыхиоуп еиуеиԥшым апроектқәа рынагӡара. Ҳкультурақәа рҭоурых еиԥшызаргь, аԥышәа аимадара уи еснагь ицхыраагӡоуп", — азгәалҭеит уи.

Аиԥылара хырқәшо, аминистрцәа иазгәарҭеит акультура аҳәаақәа рырҭбаара ихҭыс дууны ишыҟало.

 

 


Ажәабжьқәа зегьы
0