Аиереи Виссарион: Дбар ихымҩаԥгашьа аиашахаҵаратә канонқәа ирҿагылоит

© Sputnik Бадра ЕсиаваАҭыԥантәи афото.
Аҭыԥантәи афото. - Sputnik Аҧсны
Анапаҵаҩра
Аԥсуа Иашахаҵаратә уахәама анапхгаҩы, аиереи Виссарион Афон Ҿыц имҩаԥысыз Ауахәама-уаажәларратә еизара дақәыӡбеит аԥшьаша, лаҵарамза 19 рзы имҩаԥгаз апресс-конференциаҟны.

АҞӘА, лаҵарамза 20 — Sputnik, Бадри Есиава. Аԥсуа Иашахаҵаратә уахәама анапхгаҩы, аиереи Виссарион Афон Ҿыц имҩаԥысыз Ауахәама-уаажәларратә еизара дақәыӡбеит аԥшьаша, лаҵарамза 19 рзы имҩаԥгаз апресс-конференциаҟны. Иара уи аизара Еиҟәшаратәуп ҳәа ахиҳәааит.

"Аиҟәшара аҭыԥ аиуит хәышықәсаҟа раԥхьа, Афон Ҿыцтәи ауахәамамаҵзурауаа, Дорофеи Дбар раԥхьа дыргыланы атәылаҟны иашала аҩбатәи Аиашахаҵаратә Уахәама анаԥырҵа ашьҭахь", — иҳәеит иара.

Иара ааԥхьара ҟаиҵеит ауааԥсыра рыжәҩа ҭырымҟьарц.

"Аԥсны Иԥшьоу амитрополиа" имҩаԥнагаз аизара иалахәын 1500-ҩык Аԥсны ауааԥсыра.

Аԥсны ауахәамеи аполитикеи шеидымгьы атәыла ахадара ауахәаматә зҵаара аӡбара иалахәуп иҳәеит аб Виссарион. Иара убасгьы иазгәеиҭеит анапхгареи аиҳабыреи рҟынтәи абри аизара ишалахәыз.

"Аҳәынҭқарра аиаша иадгылароуп", — иҳәеит иара.

Аб Виссарион Аԥсны ақьырсианцәа рахь ихы нарханы иҳәеит ауаажәларратә еилазаараҟны аҽеиҟәшара алдмыршарц.

Ажәабжьқәа зегьы
0