Атурнир Ролан Гаррос аҿы раԥхьаӡакәны Амина Аншԥҳа далахәхоит

© Фото : Эммой КортаваАмина Аншԥҳа.
Амина Аншԥҳа. - Sputnik Аҧсны
Анапаҵаҩра
Ролан Гаррос – иреиҳаӡоу аԥкьаҭмпыл асразы еицлаброуп, иара аҵанакуеит "Ашлем ду" атурнир ахь.

АҞӘА, лаҵарамза 30 – Sputnik. Аԥснытәи амкьаҭмпыл асыҩ қәыԥш Амина Аншԥҳа Бельгиа имҩаԥысуаз аицлабра ITF аҿы аиааира анылга ашьҭахь далахәхоит Франициа имҩаԥысуа амкьаҭмпыл азы иаарту аицлабра Ролан Гаррос 18 шықәса зхымҵыц рыбжьара. Абри атәы ҳалҳәеит Амина лан Емма Кәарҭааԥҳа.

Амина Аншба - Sputnik Аҧсны
Аԥсуа ԥҳәызбеи аԥқьаҭмпыли: Амина Аншԥҳа аԥкьаҭмпыл ду аҿы

"Раԥхьатәи аицлабра мҩаԥысуеит аҩаша лаҵарамза 31 рзы. Ҳара ҳзы ари даара игәырӷьара дууп аҭакԥхықәрагьы ҳадуп. Амина уажәазы иҭацәу аамҭа лымаӡам зынӡа, аԥсшьарагьы дахьӡом. Ҳазҭалаз ашықәс иалагӡаны ԥшьынтә аиааира лгахьеит. Лара ибзианы дыхәмарит Словакиа, Испаниа, Италиа ааигәа Бельгиагьы. Иахьазы лара ибзианы дазыхиоуп аицлабра, ҳақәгәыӷуеит аиааира", — лҳәеит Кәарҭааԥҳа.

 Амина Аншԥҳа 2013 шықәсазы Европа актәии аҩбатәии аԥкьаҭ ҳәа дыԥхьаӡан. Сынтәагьы лара ҳларгәырӷьоит лықәҿиарақәа рыла. Ааигәа Ташкент имҩаԥысуаз аицлабраҿы аиааира лгеит, иара убас Словакиа имҩаԥысуаз 18 шықәса зхымҵыц ркатегориаҿы даиааиит. Амина лҽазыҟаҵарақәа мҩаԥылгоит аспорттә школ "Спартак" азыҟаҵаҩ Евгениа Куликовскаиа лҿы.

Ролан Гаррос, мамзаргьы Франциатәи иаарту ачемпионат аԥкьатмпыл азы – ари "Ашлем ду" ҳәа изышьҭоу аҩбатәи турнируп, имҩаԥыргоит ҩымчыбжьы лаҵарамза анҵәамҭеи рашәарамза алагамҭеи рзы есышықәса. Иара хацыркын 1891 шықәса рзы, 1925 шықәса инаркны жәларбжьаратәи еицлабраны иҟалеит.


Ажәабжьқәа зегьы
0