Аԥснытәи акоманда Мраҭашәаратәи Ермантәыла акоманда иаԥнагеит

© Sputnik / Томас ТхайцукАԥснытәи акоманда Мраҭашәаратәи Ермантәыла акоманда иаԥнагеит
Аԥснытәи акоманда Мраҭашәаратәи Ермантәыла акоманда иаԥнагеит - Sputnik Аҧсны
Анапаҵаҩра
Аԥсни Мраҭашәаратәи Ермантәылеи ркомандақәа реицыхәмарра мҩаԥысит Аҟәатәи астадион "Динамо" аҟны, лаҵарамза 31 рзы.

АҞӘА, рашәарамза 1 — Sputnik, Бадраҟ Аҩӡба. Аԥсни Мраҭашәаратәи Ермантәылеи ркомандақәа реицыхәмарра мҩаԥысит Аҟәатәи астадион "Динамо" аҟны, лаҵарамза 31 рзы. Аԥснытәи акоманда Мраҭашәаратәи Ермантәыла акоманда иаԥнагеит 1:0 ҳәа.

Ахәмарра алагара сааҭк шагыз астадион ахь рҽеизыркуа иалагеит ахәаԥшыҩцәа. Ахәмарра сааҭбжак анагыз аамҭазы атрибунақәа зегь ҭәхьан. Ашьапылампыл абзиабаҩцәа арахь иааргеит еиуеиԥшым атрибутика.

Ахәмаррахь акомандақәа ааиит иааирак-иааирак рыманы. Дара рыҩбагьы Чагостәи акоманда иацыхәмархьан иааирала.

5:0 ҳәа Пенџьабтәи акоманда Самолилендаа ириааит - Sputnik Аҧсны
5:0 ҳәа Пенџьабтәи акоманда Самолилендаа ириааит

Аԥсуа хәмарыҩцәа иаразнакы ажәылара иалагеит. Аха иҳәатәуп Мраҭашәаратәи Ермантәыла ахәмарыҩцәа уи ишазыхиаз.

Асасцәа рымба ампыл ҭашәеит ажәабатәи аминуҭ азы.

Аерман хәмарыҩцәа иԥшӡаз ашьапылампылтә хәмарра шыддырбозгьы аԥыжәара рзымгеит.

Аԥснытәи акоманда иҭанаршәыз ампыл ашьҭахьгьы иаман алшара еиҭах ампылҭаршәразы аха аҭагылазаашьа аҽеиҭанамкит.

Аҩбатәи атаим еиҳагьы аинтерес аманы имҩаԥысуан.

59-тәи аминуҭ азы аԥсуа команда ахәмарыҩ акигымхеит амба ампыл ҭаиршәырц аха ахьчаҩ ианаамҭаз ицәырҵра асасцәа еиқәнархеит.

71-тәи аминуҭ азгьы иара убри аҩыза аҭагылазаашьа ыҟан.

Ахәмарра анҵәара х-минуҭк шагыз аԥснытәи ахәмарыҩцәа аҽазныкгьы ироуит алшара ампылҭаршәразы, аха ампыл амба иаахеит.

Ахәмарра хыркәшахеит 1:0 ҳәа. Ахәмарыҩцәа дрыдныҳәалеит Аԥсны Аԥыза-министр актәи ихаҭыԥуаҩ Шамил Аӡынба.

Ажәабжьқәа зегьы
0