Мароккотәи амаҵа Аԥснынӡа иааӡеит

© Алексей Куденко / Амедиаҵәахырҭахь аиасраАмаҵа (саранча). Архивтә фото.
Амаҵа (саранча). Архивтә фото. - Sputnik Аҧсны
Анапаҵаҩра
Аԥсны акарантинтә инспекциа аиҳабы Аркади Џьинџьиа Sputnik иазеиҭеиҳәеит мароккотәи амаҵа бааԥсрақәаси шәарҭараси иалоу.

АҞӘА, рашәарамза 24 – Sputnik, Саид Барганџьиа. Аԥсны иазгәарҭеит мароккотәи амаҵа аҟазаара. Абри атәы иҳәеит Аԥсны акарантинтә инспекциа аиҳабы Аркади Џьинџьиа. Иара убасгьы иазгәеиҭеит Аԥсны акарантинтә инспекциеи Шәачатәи Россельхознадзор аусзуҩцәеи иааиԥмырҟьаӡакәа аус шеицыруа.

"Аинформациа соуан. Мароккотәи амаҵа мчыбжьык аԥхьа Лазаревск, нас Хосҭа иахьрыҵаркуаз иҟан. Уажәы Адлер ирбо иалагеит. Иацы аԥсуа инспекторцәа аҳәааҟны ирбеит имаҷымкәа амаҵақәа", — иҳәеит Џьинџьиа.

Иара иазгәеиҭеит амаҵа шәарҭараны иалоу рҽеидкылан иахьыԥыруа шакәу.

"Урҭ рымҩаҟны ирымԥыхьашәо рфоит. Аиҳарак арыцтәқәа. Ауаҩԥсы игәабзиара иаԥырхагам аха аҵиаақәа аԥхасҭа рнаҭоит. Ақыҭанхамҩа аԥхасҭа ӷәӷәа арҭар рылшоит", — иҳәеит иара.

Џьинџьиа иажәақәа рыла иара аҿагылара уадаҩуп. Аҵарауаа иара мҽхакыҭбаала ацәырҵра зыхҟьаз ҳәа ирыԥхьаӡо амра ӷәӷәала аԥхароуп.

Лаҵарамзазы мароккотәи амаҵа иахырҟьаны Даӷьысҭан аҭагылазаашьа ҷыда алагалан.

Ажәабжьқәа зегьы
0