Очамчыраа Валериа адгылара лзыҟарҵоит

© Sputnik / Томас ТхайцукОчамчыраа Валериа Адлеиԥҳа адгылара лзыҟарҵоит
Очамчыраа Валериа Адлеиԥҳа адгылара лзыҟарҵоит - Sputnik Аҧсны
Анапаҵаҩра
Очамчыратәи ашкол-интернат арҵаҩцәеи аҵаҩцәеи адгылара лырҭоит апроект "Ты супер" алахәыла Валериа Адлеиаԥҳа.

АҞӘА, хәажәкыра 2 – Sputnik, Анжелика Бениаԥҳа. Амузыкатә шоу ҿыц "Ты супер!" алахәыла Валериа Адлеиаԥҳа ахәаԥшцәеи ажиурии лҟазарала илырҭаслымырц дахьынӡаҿу, лықалақь гәакьа Очамчыра акциа мҩаԥыргеит лара илыдгыланы. Очамчыра ақалақь Ахадара аҿари аспорти рыҟәша ахаҭарнакцәа, Валериа лҩызцәа, лыуацәа, ақалақьуаа ирыӡбеит лара лыдгыларазы акциа мҩаԥыргарц. Абри атәы аалыцҳаит Очамчыра ақалақь Ахадара аҿари аспорти рыҟәша аиҳабы ихаҭыԥуаҩ Фатима Ҭарԥҳа.

"Гәыла-ԥсыла ҳлыцуп. Ҳлзыгәдууеит. Аиааира лгап ҳәа ҳгәыӷуеит", — лҳәоит Ҭарԥҳа.

Валериа Адлеиаԥҳа - Sputnik Аҧсны
Валериа лзы шәыбжьы шәҭыи: онлаин-бжьыҭира хацыркуп "Ты супер!" алахәылацәа рзы

Валериа лсахьа зну абаннер иаҵагыланы шәҩык рҟынӡа ашколхәыҷқәа ажәҩан иаларҵеит ԥшшәырацәала ампышҭақәа.

Хәажәкыра 4 рзы НТВ аҟны Валериа дықәгылараны дыҟоуп.

11 шықәса зхыҵуа Леон Воуба иҳәоит Валериа лаара игәы хыҭхыҭуа дшазыԥшу.

"Валериеи сареи ҳаибадыруеижьҭеи ҳаиҩызцәоуп. Азеиӷьашьара акраанагозар, Валериа илзеиӷьасшьоит ақәҿиарақәа, аиааирақәа. Лықәгылара сазыԥшуп. Аҵыхәтәанӡа дзымнеиргьы, зегь дара роуп лара дферымуп", — иҳәоит Леон.

Апроект "Ты супер!" хәажәкыра 4 рзтәи аефир аҟны дцәырҵуеит Валериа Адлеиаԥҳа.

Апроект "Ты супер!" мҩаԥысуеит Урыстәыла Аҵареи аҵарадырреи рминистрра адгыларала. Апроект амҩаԥгаҩыс дҟалоит Вадим Такмениов.

Валериа Адлеиаԥҳа шәыбжьы лышәҭар ҟалоит абра

Ахәыҷтәы вокалтә еиндаҭлара "Ты супер!" мҩаԥысуеит ателеканал НТВ аҟны жәабран 11 инаркны. Апроект азы инарҭбаау аинформациа аиура алшоит НТВ асаит аҟны. Ашоу иазку ажәабжьқәа рдырра шәылшоит Sputnik Аԥсны аресурсқәа рҟны. Аинформациатә маҵзуреи арадио Sputnik хылаԥшра арҭоит аиндаҭлара амҩаԥысшьа. Иара иалахәуп 92-ҩык авокалистцәа: Урыстәыла, Аԥсны, Азербаиџьан, Ермантәыла, Беларуссиа, Қырҭтәыла, Ҟазахсҭан, Кыргызсҭан, Молдавиа, Украина, Естониа, Аахыҵ Уаԥстәыла рҟынтәи.

Ажәабжьқәа зегьы
0