Анаԥшҩы: ҳахьнеихьоу џьаргьы еилагарак ҳамбацт

© Sputnik / Томас ТхайцукАлхрақәа
Алхрақәа - Sputnik Аҧсны
Анапаҵаҩра
Аԥсны Жәлар Реизарахь алхрақәа мҩаԥысит хәажәкыра 12 рзы 35 алхратә ҭыԥқәа рҿы.

АҞӘА, хәажәкыра 12 – Sputnik, Бадраҟ Аҩӡба. Анаԥшыҩцәа рделегациа иалахәу ҳахьаҭаахьоу макьаназы еилагарак ыҟаны иҳамбацт иҳәеит ҳкорреспондент дзыҿцәажәоз Ареспублика Арцах аҟынтәи анаԥшҩы Семен Афиан.

"Ҳара акандидатцәа рхаҭарнакцәагьы ҳрыҿцәажәон аха урҭгьы ҽыԥныҳәак рымам", — иҳәеит иара.

Алхрақәа реиҿкаашьа аганахь алагьы гәыҩбара имам анаԥшҩы.

"Апарламент аҟынтәи сара аԥсҭазаара аиӷьхара сазыԥшуп. Ҳаидгыланы аус ааулар, ҳаԥсҭазаарагьы бзиахоит", ҳәа агәра ганы илҳәоит алхҩы Елена Ланина.

Ирацәаҩуп усеиԥш игәыӷуа.

"Раԥхьа иргыланы Апарламент ауаа рыԥсҭазаара, рыбзазара еиӷьыртәыроуп. Ареспубликаҟны азакәан аус бзианы иауроуп", — лҳәоит Алла Цыгәԥҳа.

Гагра араион аҟны алхрақәа мҩаԥысит - Sputnik Аҧсны
Аамҭалатәи алкаақәа рыла, 15 сааҭ рзы Гагра араион аҟны алхрақәа мҩаԥысит

Абыжьбатәи алхратә ҭыԥ ахантәаҩы Борис Ҷолариа иазгәеиҭеит абжьыҭира иааиуа ауаа рхыԥхьаӡара шырацәоу.

"Зегьы ишахәҭоу еиԥш имҩасуеит. Арахь иааихьеит анаԥшыҩцәа рделегациақәа. Аӡәгьы ҽыԥныҳәак ҟаимҵац", — иҳәеит иара.

Алхрақәа раан жәларбжьаратәи анаԥшыҩцәа ҳәа Аԥсныҟа иааит 39-ҩык. Алхрақәа инарыдҳәаланы Аԥсны жәларбжьаратәи анаԥшыҩцәа аарышьҭырц аофициалтә шәҟәқәа рзынанашьҭын: Урыстәылатәи Афедерациа Афедералтә еизара Ахеилак, Урыстәыла Аҳәынҭқарратә Дума, Приднестровиатәи Молдавиатәи ареспублика, Урыстәыла Ацентртә алхратә комиссиа.

Иара убасгьы ашәҟәқәа шьҭын Венесуела, Никарагуа, Вануату рахь. Аԥсны Жәлар Реизарахь алхрақәа мҩаԥысуеит хәажәкыра 12 рзы 35 алхратә ҭыԥқәа рҿы. Дииааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.

Ажәабжьқәа зегьы
0