АҞӘА, хәажәкыра 20 – Sputnik, Бадраҟ Аҩӡба. Афильм "Сухум-Тамбов" ҵаҵӷәыс иазыҟалеит аԥсуа артистцәа иаздырхиаз ақалақь-еишьцәа Аҟәеи Томбови ргимн лҳәеит Томбов ақалақь Ахадара аинвестициақәеи астратегиатә проектқәеи реилак ахада, афильм "Сухум-Тамбов" аҭыхра амҩаԥысра анапхгаҩы Мариа Неретина.
"Аԥсуа артистцәа ҳақалақь ҳамҭан иарҭеит ашәа ссир. Иара атема хада – ақалақьқәа Аҟәеи Томбови рыбжьара аиҩызара азышәаҳәароуп. Амузыка зегьы бзиа еицырбеит. Иароуп афильм шьаҭас иазыҟалазгьы", — лҳәеит Мариа Неретина.
2012 шықәса рзы анапы аҵаҩын Аҟәеи Томбови рыбжьара ахәаахәҭреи, акультуреи, ахаланапхгараҭареи, аҵареи, аспорти русхкқәа рҟны аусеицразы Аиқәшаҳаҭра.
"Убри аахыс аусеицура мҩаԥысуеит еиуеиԥшым ахырхарҭақәа рганахь ала. Афильм "Сухум-Тамбов" Аҟәеи Томбови реизыҟазаашьақәа рыҿиара аазырԥшуа ҭоурыхуп", — лҳәеит Неретина.
Неретина еиҭалҳәеит Аԥснытәи арҿиаратә коллективқәа қәҿиарала Томбовтәи асценақәа рҟны рықәгылара атәы.
"Афильм ҳалалрыла иҭәуп. Ҳара иаҳҭахын аиныррақәа реизырҳара гәыкала ишаҳҭаху аарԥшра", — лҳәеит лара.
Афильм абара алшоит Томбов ақалақь Ахадара аофициалтә саит аҟни асоциалтә ҳа Facebook аҟни.
