Баҭал Чежиа: Пиатигорск имҩаԥысраны иҟоу ақәгылара сҽазыҟасҵоит

© Sputnik / Томас ТхайцукАԥсуа спортсмен Баҭал Чежиа
Аԥсуа спортсмен Баҭал Чежиа - Sputnik Аҧсны
Анапаҵаҩра
Абокс азы ашоу "Аринг агладиаторцәа" алахәыла Баҭал Чежиеи Аԥсны апрофессионалтә бокс Афедерациа апрезидент Алик Карди-оӷлыи апресс-конференциа мҩаԥыргеит. Апресс-конференциа мҩаԥысит Sputnik ацентр аҟны.

Sputnik, Владимир Бегунов

Асабша, хәажәкыра 25 рзы Анапа имҩаԥысит абоксерс азы ашоу "Аринг агладиаторцәа". Ашоу далахәын аԥсуа спортсмен Баҭал Чежиа. Араҟа иара дииааит москватәи абоксиор Фуад Мурадов.

Ақәгылара мҩаԥысуан 80 кьыла иҟаз рыбжьара. Чежиа дииааиит ҳәа азырыԥхьаӡеит ԥшь-раундк рышьҭахь. Аспортсмен уахь ицара афинанстә дгылара арҭеит Аԥсны анаплакыҩцәа рассоциациа.

"Абокс азы аҽазыҟаҵарақәа срылагеит 2008 шықәса рзы. Усҟан Очамчыра аҽазыҟаҵаратә зал ыҟамызт. Аҟәаҟа ҷыдала саауан. Сҭаацәа ишрылшоз ала исыцхраауан. Саб еснагь дсыцны даауан. Ҵыԥх сара апрофессионалтә бокс ахь сиасит", — иҳәеит иара.

Аԥсны апрофессионалтә бокс Афедерациа апрезидент Алик Карди-оӷлы иажәақәа рыла, апрофессионалтә бокс аҟны Аԥсны аиааирақәа уажәоуп ианалагаз. Афедерациагьы иахықәку адунеи ачемпион иааӡароуп.

"2016 шықәса рзы Пиатигорск ақалақь аҟны имҩаԥысуаз абокс азы ашоу аҟны раԥхьатәи аԥсуа профессионалтә боксиор Саид Смыр аиааира игеит. Уажәы – Баҭал Чежиа. Аҭаацәа ракәзаргьы аҵыхәтәантәи аамҭақәа рзы рхәыҷқәа ҳзаарго иалагеит. Абокс аҳаҭыр шьҭыҵит", — иҳәеит иара.

Аԥсуа спортсмен Батал Чежиа - Sputnik Аҧсны
Аԥснытәи абоксиор ашоу "Гладиаторы ринга" далахәхоит

Иара убри аамҭазы Аԥсны иҟоу ҽазыҟаҵарҭатә зал заҵәык ауп. Убри инадҳәаланы изҭаху зегьы ироуам алшара аҽазыҟаҵаразы.

Саид Смыри Баҭал Чежиеи Аԥсны абираҟ иаҵагылан иқәгылоит. Лаҵарамзазы Баҭал Чежиа далахәхараны дыҟоуп Пиатигорск имҩаԥысраны иҟоу ақәгыларақәа. Аспортсмен аҽазыҟаҵарақәа мҩаԥигоит Аԥсны.

Аспортсмен иажәақәа рыла уажәы иара аҽазыҟаҵарақәа ррежим ахь диасны дыҟоуп.

"Есыҽны, шьыжьы, хәылбыҽха аҽазыҟаҵара саҿуп. Убас ақәгыларақәа рҟынӡа. Сазыҟаҵаҩи сареи сызцықәгыло данеилаҳкаалак ашьҭахь иара иқәгыларақәа зну авидео ҳаицахәаԥшуеит. Иҭаҳҵаауеит иара иманера, имч, аринг аҟны ихымҩаԥгашьа", — ҳәа азгәеиҭеит Чежиа.

Баҭал Чежиа жәабран 12 рзы Краснодар ақалақь аҟны профессионалтә спортсменк иаҳасаб ала дықәгылеит. Аиааирагьы игеит.

Баҭал Чежиа изныкымкәа Аԥсны ачемпионс дҟалахьеит, Москва ақалақь дачемпионуп, Урыстәылатәи Афедерациа Арратә мчрақәа дырчемпионуп.

Абокс азы ашоу "Аринг агладиаторцәа" иалахәын Урыстәыла, Европа, ИАР атәылақәа рспортсменцәа.

Ажәабжьқәа зегьы
0