МГИМО аҭалара рҽазыршәоит 18-ҩык Аԥсны ашколхәыҷқәа

© Fotolia / KaraАшәҟәқәа абиблиотека аҿы
Ашәҟәқәа абиблиотека аҿы - Sputnik Аҧсны
Анапаҵаҩра
Аԥсны Адәныҟатәи аусқәа рминистр ихаҭыԥуаҩ Кан Ҭаниа Sputnik иазеиҭеиҳәеит МГИМО аҭалараза ашколхәыҷқәа рҟынтәи арзаҳалқәа рыдкылара шцо атәы.

АҞӘА, мшаԥымза 20 – Sputnik, Бадраҟ Аҩӡба. Иахьазы МГИМО аҭаларазы Аԥсны азеиԥшҵаратә усҳәарҭақәа рҵаҩцәа 18-ҩык арзаҳалқәа аарышьҭхьеит, иҳәеит Аԥсны Адәныҟатәи аусқәа рминистр ихаҭыԥуаҩ Кан Ҭаниа Sputnik аинтервиу аҭо.

"Ҳара есышықәса Аԥсны атәылауаа рҟынтәи арзаҳалқәа ҳадаҳкылоит МГИМО аҭаларазы", — иҳәеит иара.

Абитуриент аурыс бызшәеи англыз бызшәеи бзианы идыруазароуп.

"Абитуриент иалихуа афакультет иахьырԥшны идыруазароуп Урыстәыла аҭоурых, аекономика афакультет алихуазар – математика", — иҳәеит Ҭаниа.

Аиндаҭлара актәи аетап абитуриент изеиԥш зыҟаҵара аазырԥшуа еиҿцәажәароуп.

"Аԥсуа бызшәа удыруазароуп, аха МГИМО аҭаларазы ихадаратәны иҟам. Аҵараиурҭа аҭалара зҭаху маҷым. Идыру акоуп – аҵараиурҭа зыхьӡ ҳараку ҵаратә усҳәарҭоуп. Аҭаацәагьы ирҭахуп рыхшара асеиԥш иҟоу аҭыԥ аҟны аҵара рҵозарц", — ҳәа азгәеиҭеит Ҭаниа.

Ҭаниа иажәақәа рыла урыстәылатәи аган ацхыраара ду ҟанаҵоит Аԥсны азы акадырқәа реиҵааӡараҿы.

Есышықәса МГИМО Аԥснынтәи иҭалоит хәҩык аҿар, ҳәа иҳәоит Ҭаниа.

Ажәабжьқәа зегьы
0