"Динамо" ашьапылампылтә турнир "Лига надежды" аҿы аҩбатәи акәхеит

© Фото : предоставлено Мерабом КвеквескириАԥснытәи ахәыҷтәы команда "Динамо"
Аԥснытәи ахәыҷтәы команда Динамо - Sputnik Аҧсны
Анапаҵаҩра
Аԥснытәи ахәыҷтәы команда "Динамо" Шәача имҩаԥысуаз атурнир "Лига надежды" афинал аҿы акоманда "Черноморец" иаԥнагеит.

АҞӘА, рашәара 13 — Sputnik, Бадраҟ Аҩӡба. Аԥснытәи ашьапылампылтә команда "Динамо" аҩбатәи аҭыԥ ааннакылеит. Абри атәы Sputnik акорреспондент изеиҭеиҳәеит азыҟаҵаҩ Мераб Кәакәасқьыр.

"Атурнир иалахәын аа-командак. Дара ԥшьба-ԥшьба команда алархәны ҩ-гәыԥкны ишан. Ҳара ҳгәыԥ аҟны ихәмаруан "Кубань" (Краснодар), "Динамо" (Аҟәа), "Монолит", "Жемчужина"(Шәача)", — иҳәеит азыҟаҵаҩ.

Ашьапылампылтә турнир "Лига надежды" иалахәын 2008 — 2009 шықәсқәа рзы ииз ахәыҷқәа. Иара иажәақәа рыла агәыԥ аҩныҵҟа Аԥснытәи акоманда актәи аҭыԥ ааннакылеит. Дара иҭадыршәит 15 мпыл, ирыцәҭашәаз ҩба заҵәык роуп.

"Афиналбжаҿы акоманда "Монолит" ҳацыхәмаруан. Ҳаиааит 4:1 ҳәа. Афинал аҟны ҳацыхәмаруан Шәачатәи "Черноморец", – иҳәеит азыҟаҵаҩ.

© Фото : Мерабом КвеквескириДетская команда "Динамо"
Детская команда Динамо - Sputnik Аҧсны
Детская команда "Динамо"

Араҟа Аԥснытәи акоманда аҵахеит 1:2 ҳәа. Атурнир аҿы иреиӷьу ахәмарыҩ ҳәа далыркааит Лека Делба, иреиӷьу амбахьчаҩ ҳәа — Даниил Адлеиба.

"Hopes Cup" "Лига надежды" — ашьапылампыл азы ахәыҷтәы турнир мҩаԥысуеит шықәсык ахь ԥшьынтә.

Сынтәа атурнир мҩаԥысуан рашәара 6 – 12 рзы.

Ажәабжьқәа зегьы
0