Аҳазалхратә еилакы ахантәаҩ ҿыц аколлектив дыддырдырит

© Sputnik Томас ТхайцукГосударственный таможенный комитет РА
Государственный таможенный комитет РА - Sputnik Аҧсны
Анапаҵаҩра
Нанҳәа 24 рзы Аԥсны Ахада Рауль Ҳаџьымба инапы аҵаиҩит Аҧсны Аҳәынҭқарра ҳазалхратә еилакы Ахантәаҩы изы Аусҧҟа.

АҞӘА, нанҳәа 25– Sputnik, Сариа Кәарацхьелиаԥҳа. Нанҳәамза 24 азы Аҧсны Аҳәынҭқарра Ахада Ҳаџьымба Рауль инапы аҵаиҩит Аҧсны Аҳәынҭқарра ҳазалхратә еилакы Ахантәаҩы изы Аусҧҟа.

Аусԥҟаҟны иҳәоуп: Аҧсны Аҳәынҭқарратә ҳазалхратә еилакы Ахантәаҩыс даҭазааит Лышәба Адгәыр Нурбеи-иҧа ҳәа. Лышәба А.Н. Аҧсны Аҳәынҭқарра Аминстрцәа реилазаара далаҵоуп.

Иара убри аан ихы дақәиҭтәуп Кобахиа Даур Иури-иҧа Аҧсны Аҳәынҭқарратә ҳазалхратә еилакы Ахантәаҩы имаҵураҟнытә хаҭала иалаиҵаз арзаҳал шьаҭас иҟаҵаны.

Нанҳәа 25 рзы Рауль Ҳаџьымба Аҳәынҭқарратә ҳазалхратә еилакы аколлектив официалла дыдирдырит Адгәыр Лышәба.

"Агәыӷра сымоуп иахьатәи аиҭакрақәа аилак аусура аиӷьтәра иацхраап ҳәа. Иахьа уажәраанӡа аилак иахагылаз анапхгаҩы иҟаиҵаз маҷӡам. Аус ҳацураз агәаҳәара иоур ԥхьаҟагьы иҟаиҵаша шырацәахаша агәра згоит", — иҳәеит Ҳаџьымба.

Адгур Лушба - Sputnik Аҧсны
Адгәыр Лышәба Аҧсны Аҳәынҭқарратә ҳазалхратә еилакы Ахантәаҩыс даҭоуп

Рауль Ҳаџьымба иазгәеиҭеит Аҳәынҭеилакы аусура адгылара дшазыхиоу.

"Сара изныкымкәа исҳәахьеит Урыстәыла ацхыраара ҳнаҭоит, аха ҳаргьы ҳхы ҳахәароуп ҳәа. Иҳалшо зегьы ҟаҳҵароуп ҳбиуџьет ҳхатә ԥарала ихаҳарҭәаарц азы. Алшарақәа ҳамоу уи азы", — иҳәеит Ҳаџьымба.

Аԥыза-министр Беслан Барцыц агәрагара имоуп Аҳазалхратә еилакы ахантәаҩ ҿыц аилак аусура аҽа ҩаӡарак ахь ишьҭихып ҳәа.

"Адгәыр Нурбеи-иԥа аԥышәа бзиа имоуп, днапхгаҩуп. Иара иусура хра аманы ишыҟало азы агәрагара сымоуп. Иахьазы апланқәа рынагӡараҿы аиҵахарақәа ыҟоуп. Аилак аколлектив зегьы реидгыларала аҭагылазаашьа ашықәс анҵәамҭазы акыр еиӷьыртәып ҳәа сыҟоуп", — иҳәеит иара.

Аԥсны Аҳазалхартә еилакы анапхгаҩ ҿыц Адгәыр Лышәба атәыла анапхгара ҭабуп ҳәа реиҳәеит ирҭаз агәрагаразы.

Ажәабжьқәа зегьы
0