Астудентцәа р-"Софичка" ахәаԥшыҩцәа ирбараны иҟоуп

© Фото : архив Киры Коваленкоархивтә фото
архивтә фото - Sputnik Аҧсны
Анапаҵаҩра
Борис Шьчукин ихьӡ зху Атеатртә институт аԥсуа студиа анапхгаҩы Елена Одинцова Sputnik аинтервиу аҭо еиҭалҳәеит астудентцәа ирымоу ақәҿиарақәа ртәы.

АҞӘА, цәыббра 6 – Sputnik, Амра Амҷԥҳа. Астудентцәа рспектакль "Софичка" апремиера мҩаԥысраны иҟоуп Москва, цәыббра 28 рзы. Абри атәы еиҭалҳәеит Борис Шьчукин ихьӡ зху Атеатртә институт аԥсуа студиа анапхгаҩы Елена Одинцова Sputnik аинтервиу аналҭоз.

"Сара сзы акыр игәырхыҭхыҭгоу мшуп. Ари аспектакль срежиссиортә усумҭоуп. Цәыббра 28 рзы апремиера мҩаԥаагараны ҳаҟоуп. Сгәы иаанагоит аԥсуа публика ааип ҳәа. Искандер ирҿиамҭақәа бзиа избогьы ҳәарада иҳаҩсрым", — лҳәеит Одинцова.

Лара лажәақәа рыла аспектакль урыс бызшәала имҩаԥгахоит, аха ҭыԥқәак рҟны аԥсшәагьы алагалоуп.

Аспектакль Софичка РУСДРАМ асценаҟны иқәдыргылеит - Sputnik Аҧсны
Аспектакль "Софичка" РУСДРАМ асценаҟны иқәдыргылеит

Аспектакль "Софичка" аԥсуа хәаԥшҩы ирбан Аҟәа имҩаԥысыз Фазиль Искандер ифестиваль "Ауаҩы игыларҭа" амҩаԥысраан.

"Акафедраҿ аспектакль аныдҳарбоз Искандер иԥшәмаԥҳәыс ахәаԥшразы днеиит. Акыр ажәа ԥха ҳалҳәеит. Сгәыӷуеит апремиера ашҟагьы днеиип ҳәа", — лҳәоит Одинцова.

Аинститут амилаҭтә гәыԥ арепертуар аҿы иҟоуп "Ахәмарыҩцәа", "Софичка", "Кьоџьаа рҭыӡшәа".

Ажәабжьқәа зегьы
0