РУСДРАМ 37-тәи асезон аанартуеит

© Sputnik Бадрак Авидзба Пресс конференция по случаю открытия нового сезона
Пресс конференция по случаю открытия нового сезона - Sputnik Аҧсны
Анапаҵаҩра
РУСДРАМ 37-тәи асезон аартра иазкыз апресс-конференциа мҩаԥысит аҩаша, жьҭаара 24 рзы.

АҞӘА, жьҭаара 24 – Sputnik, Бадраҟ Аҩӡба. Фазиль Искандер ихьӡ зху Аурыс драматә театр 37-тәи асезон аартра иазкыз апресс-конференциа мҩаԥысит аҩаша, жьҭаара 24 рзы. Асезон аартразы аҳәамҭа ҟаиҵеит иара адиректор хада Иракли Хынҭәба.

"Ҳара асезон ҿыц ааҳартуеит аспектакль "Ревизор" ала. Аспектакль ықәиргылеит арежиссиор Андреи Тимошенко. Сара сгәаанагарала аусумҭа акыр аинтерес аҵаны еиҿкаауп", — иҳәеит иара.

Хынҭәба иазгәеиҭеит "Ревизор" апремиератә рбара мҩаԥысраны иҟоуп РУСДРАМ асценаҿы жьҭаара 26 — 27 рзы ҳәа.

"Абилеҭқәа бзианы иаархәоит. Сара ишәасҳәоит абилеҭқәа хә-ҳаракыла реиҭаҭиразы иаазхәо ауаа шыҟоугьы. Уи атеатр ахь ахәаԥшцәа аинтерес рымоуп ауп иаанаго", — иҳәеит иара.

Иракли Хынҭәба иазгәеиҭеит Аԥсны Акультура аминистрреи РУСДРАМи рыбжьара иҟоу аиқәшаҳаҭра инақәыршәаны атеатр лассы Урыстәылаҟа агастрольқәа мҩаԥнагараны ишыҟоу.

"Аспектакльқәа ҳаманы ақалақьқәа Пиатигорски Елистеи ҳцараны ҳаҟоуп. Агастрольқәа мҩаԥысуеит абҵара 5-14 рзы", — ҳәа еиҭеиҳәоит Хынҭәба.

Ԥхынҷкәынмза анҵәамҭазы атеатр аҿы иқәыргылахоит ахәыҷқәа рзы ашықәс ҿыц азтәи аспектакль.

"Ахәыҷқәа рзы аспектакль есышықәса иқәиргылоит Џьамбул Жорданиа. Даарагьы иқәҿиоит", — иҳәоит адиректор хада.

2018 шықәсазы раԥхьатәи апримиера акәны ахәаԥшцәа ирыдгалахоит Достоевски иҩымҭа иалху аспектакль "Ахәмарҩы". Аспектакль ҳзышьцылахьоу спектакльны еиҿкаам, концерттә нагӡарак аҳасабала еиҿкаау проектхоит.

Спектакль Пять вечеров - закрытие 36 сезона в Русдраме - Sputnik Аҧсны
РУСДРАМ Санкт-Петербург афестиваль иалахәхоит

Аспектакль "Ревизор" арежиссиор Андре Тимошенко ҭабуп ҳәа ахиҳәааит аспектакль ақәыргыларазы ааԥхьара ахьирҭаз.

Шықәсык аԥхьа РУСДРАМ асценаҿ Андреи Тимошенко иқәиргылеит аспектакль "Купьело иҩнаҿы қьырсаныҳәа". "Ревизор" аҩбатәи спектакльуп.

Аиԥылара ахыркәшамҭазы Иракли Хынҭәба РУСДРАМ аҟны зусура аиубилеитә рыцхә азгәазҭо хҩык актиорцәа ашәҭқәеи агәаларшәагатә ҳамҭақәеи риҭеит.

Ажәабжьқәа зегьы
0