Атеатр "Мастерская", РУСДРАМ аҟны иқәнаргылоит аспектакльқәа ҩба

© Sputnik Томас ТхайцукГосударственный русский театр драмы
Государственный русский театр драмы - Sputnik Аҧсны
Анапаҵаҩра
Раԥхьаӡа акәны Фазиль Искандер ихьӡ зху Аурыс драматә театр алархәуп Урыстәыла Акультура аминистрра апрограмма "Агостроль дуқәа".

АҞӘА, абҵара 3 – Sputnik, Сариа Кәарацхьелиаԥҳа. Санкт-Петербургтәи атеатр "Мастерская" Аҟәа, РУСДРАМ асценаҿы иқәнаргылоит аспектакльқәа ҩба. Аспектакльқәа мҩаԥысраны иҟоуп абҵара 3, 4 рзы. Абри атәы ҳзааицҳаит Фазиль Искандер ихьӡ зху Аурыс драматә театр адиректор хада Иракли Хынҭәба.

"Ҳара ҳтеатр аҟны иҳадаҳкылараны ҳаҟоуп Санкт-Петербург еицырдыруа, аҭааҩцәа рацәаны измоу атеатр "Мастерская". Иқәыргылахоит аспектакльқәа ҩба: "Том Сойер" (Марк Твен), "Записки юного врача" (Михаил Булгаков)". — иҳәеит Хынҭәба.

Иара иажәақәа рыла "Мастерская" адекорациақәа Аҟәаҟа иаахьеит. Ахәаԥшцәа "Том Сойер" дырбахоит абҵара 3 рзы, абҵара 4 рзы – "Записки юного врача".

Санкт-Петербургтәи атеатр "Мастерская" агострольқәа Аԥсны имҩаԥгахоит Урыстәыла Акультура аминистрра апрограмма "Агостроль дуқәа" аҳәаақәа ирҭагӡаны.

Ажәабжьқәа зегьы
0