АҞӘА, абҵара 9– Sputnik, Амра Амҷԥҳа. Ҩынҩажәаҩык инарзынаԥшу аволантиорцәа Аԥсны ашколқәеи ахәыҷбаҳчақәеи рҟны имҩаԥыргараны иҟоуп "Аразра аурок" лҳәеит Акультура-гәыҳаларатә фонд "Ашана" адиректор инапынҵақәа назыгӡо Мактина Џьынџьалԥҳа апресс-конференциаҟны.
2014 шықәса рзы Жәларбжьаратәи Аразра амш аҳәаақәа ирҭагӡаны раԥхьаӡа акәны Аԥсны ашколқәа рҿы аволнтерцәа "Аразра аурокқәа" мҩаԥыргеит. Урҭ ахәыҷқәа ирзеиҭарҳәеит аволонтерцәа адунеи аҿы рнапы злаку аусқәа рыдагьы Аԥсны еиуеиԥшым агәыҳалалратә проектқәа рҟны рхы шаадырԥшуа атәгьы.
Валантиорс дҟаларц азин имоуп дарбанызаалак Аԥсны атәылауаҩ: арҵаҩы, аҵаҩы, аҭаацәаратә еилакқәа рхаҭарнак.
Зегь раасҭа "Аразра аурокқәа" рҟны угәы иахәаратәы иубо дара ахәыҷқәа аразреи ақьиареи ишрыхцәажәо ауп ҳәа азгәалҭоит Мактина Џьынџьалԥҳа.
"Ахәыҷқәа ргәы ацԥыҳәаны еиҭарҳәоит аԥҳәыс бырг амҩа анеихылҵәоз ишлыцхраауаз, рҩыза ӡӷаб лшәыра хьанҭа шлызныҟәыргоз", — лҳәоит лара.
Акциа "Аразра аурок" афонд хылаԥшара зызнауа ахәыҷқәа рыцхраара иазырхам, аха ашколқәеи ахәыҷбаҳчақәеи рҟны еиҿкаахоит еиуеиԥшым аиармаркақәа. Урҭ рҟны аахәамҭақәа ирыхҭнырҵо аԥара афонд иахыԥхьаӡалахоит.
Аҟәа ақалақь Ахадара аҵара Аусбарҭа аиҳабы Лиудмила Адлеиаԥҳа иазгәалҭеит асеиԥш иҟоу акциақәа ззырхо ахәыҷқәа рааӡара шакәу.
"Аразреи ақьиареи ауаҩы илааӡатәуп. Урҭ иԥсҭазаара иахәҭакзароуп. Ҳара аԥсуаа уи аҟазшьа еснагь иҳалаҵәан иҟан. Уажәы ҳара иазгәаҳҭоит ахәыҷқәа еиҳа еиҳа абри акциа амҩаԥгара агәахәара шырнаҭо", — лҳәеит Адлеиаԥҳа.
Аволонтер Лана Абшьлааԥҳа акыршықәса ҵуеит акциа амҩаԥгара далахәуижьҭеи, акыр хра змоу акакәынгьы дахәаԥшуеит.
Аволонтерцәа русура Аԥсны ааигәоуп ахы анакыз, уи ахыҵхырҭаҿы игылоуп еиуеиԥшым ауаажәларратә еиҿкаарақәеи агәыҳалалратә еидгылақәеи. Урҭ русура ҳәаақәызҵо апрограмма шыҟамгьы, рус азҿлымҳара есааира иазҳауеит.
2014 шықәса рзы Жәларбжьаратәи Аразра амш аҳәаақәа ирҭагӡаны раԥхьаӡа акәны Аԥсны ашколқәа рҿы аволнтерцәа "Аразра аурокқәа" мҩаԥыргеит. Урҭ ахәыҷқәа ирзеиҭарҳәеит аволонтерцәа адунеи аҿы рнапы злаку аусқәа рыдагьы Аԥсны еиуеиԥшым агәыҳалалратә проектқәа рҟны рхы шаадырԥшуа атәгьы.
