Калдахәараа ӡыла еиқәдыршәеит

© Fotolia / SondemСтакан чистой питьевой воды
Стакан чистой питьевой воды - Sputnik Аҧсны
Анапаҵаҩра
Калдахәара ақыҭа ахада еиҭеиҳәеит 2017 шықәса ажьырныҳәамзазы ишхацыркыз аӡеизакырҭа аргылара.

АҞӘА, абҵара 10 – Sputnik, Бадраҟ Аҩӡба. Калдахәара ақыҭан инхо ауааԥсыра ушьҭарнахыс ӡыла еиқәыршәахоит ҳәа радио иазеиҭеиҳәеит ақыҭа ахада Ҭеимыр Амԥар.

"Ҳқыҭаҟны иҟоуп аҳаблақәа ахааназ аӡы ахьымнеиуаз. Аӡеизакырҭа ргылоуп, уажәы аӡы ауаа рыҩнқәа рахь анагара ҳаҿуп", — иҳәеит иара.

Калдахәара инхоит 240 ҭаацәара, ахԥатәи абригада ҳәа изышьҭоу аҳаблаҿ асовет аамҭақәа раангьы аӡымҩангага ыҟамызт.

"Аусурақәа ишьақәыргылоу аплан ала имҩаԥысуеит. Уадаҩра ҳамам. Ауаа уаанӡа аҵеџьқәа ржуазар, мамзаргьы аӡыржәтә аархәозар, уажәы урҭ аӡазы урҭ акыр иманшәалахоит", — ҳәа еиҭеиҳәоит ақыҭа ахада.

Инарҭбааны Ҭеимыр Амԥар иҿцәажәара шәазыӡырҩыр ҟалоит абра>>

Ари азҵаара адгылара арҭеит Гәдоуҭа араион Ахада Руслан Ладариеи Аԥыза-министр Беслан Барцыци.

Аӡеизакырҭа аргыларазы аҳәынҭқарра х-миллион мааҭ аԥара азоунажьит.

Ажәабжьқәа зегьы
0