Аҟәатәи амшынтә баӷәаза иахьаҵанакуа амшынҵа ҭыдрыцқьаауеит

© Sputnik / Томас ТхайцукУглубительные работы в сухумской бухте
Углубительные работы в сухумской бухте - Sputnik Аҧсны
Анапаҵаҩра
Аидарамҩангага аҵакыраҿы аӷбақәа рныҟәара арманшәаларази, аӷбақәа уа ргылара алыршарази, Аӡаԥшь амшын алалара армариарази 2018 шықәса рзы "Аԥснытәи амшынӷбарныҟәара" аусурақәа мҩаԥнагараны иҟоуп.

АҞӘА, абҵара 10– Sputnik, Амра Амҷԥҳа. "Аԥснытәи амшынӷбарныҟәара" аусурақәа рышьҭахь Аҟәатәи аидарамҩангагатә баӷәаза иаднакылар алшоит зтоннаж ҳараку аӷбақәа ҩба аамҭакала. Абри атәы ажурналистцәа ирзеиҭеиҳәеит аилахәыра ахархәареи, амеханизациеи, аидаратә усурақәеи, акоммерциатә усурақәеи рыҟәша аиҳабы Саид Шелиа.

"Амшынҵа арҵаулара иалнаршоит аӡиас Аӡаԥшь аӡқәа ԥынгылада амшын ралалара. Иҳагәҭакуп аҵаулара хә-метрак рҟынӡа алагара. Иара убри инаваргыланы, аӷбаӡыхгыларҭа 180 метра рҟынӡа аура лагахоит. Уи иалнаршоит зтоннаж дуу аӷбақәа ҩба аамҭак ала рыдкылара", — иҳәеит Шелиа.

Шелиа иажәақәа рыла арҭ аусурақәа аибашьра ашьҭахьтәи усура мҽхакыҭбааны иҟоуп.

"Асеиԥш иҟоу аусурақәа шықәсык ахь знык акәзаргьы имҩаԥгалатәуп. Амшын иалало Аӡаԥшь иаанагоит алыкь. Уи ӡаатәалоит. Уажәазы иазыԥхьагәаҭоуп 230 000 к.м. алыкь амшын аҭыгара. Ауадаҩрақәа ацуп алыкь иацны аексковаторқәа абзазаратә гәам-сам аныҭнаго. Аекскаватор аамҭакала иазышьҭыхуа куб/метрк ауп, аха уи акыр еиҳахар ауеит еиуеиԥшым агәамсам иахҟьаны", — иҳәеит иара.

Аусурақәа мҩаԥыслароуп амшын ацәқәырԥара баллк аиҳа ианеиҳам. Иҭырго алыкь акәзар, амшын аҵа 100 метрак иахьнеиуа иганы иаларыжьроуп. Уи аҭыԥ азы аекологиеи аԥсабара ахархәареи рзы Аҳәынҭеилакы ақәшаҳаҭра ыҟоуп.

"Аԥснытәи амшынӷбарныҟәара" акоммерциатә усуразы адиректор хада ихаҭыԥуаҩ Адамыр Габуниа иазгәеиҭеит аусурақәа зегьы Аҳәынҭеилакы ахарџьқәа рыла ишымҩаԥгахо. Иара ишиҳәаз ала аилак иахьатәи аамҭазы харџь зқәым ҳәынҭқарратә усҳәарҭоуп.

"Абиуџьет аҟынтәи ацҵашәарақәа ҳауӡом. Иахәҭаны иҟоу аусурақәа рзы аԥара зшәо ҳара ҳауп. Ҳара афеида ҳазҭоны иҟоу абаӷәазатә еизгақәа роуп. Иҳауа афеида аҿиара иазҳархоит", — иҳәеит Габуниа.

Аԥсны иацхәаахәҭуан атәылақәа ыҟоуп. Аҟәатәи амшынтә баӷәаза анаплакыҩцәа рзы аинтерес аҵаны иҟоуп.

"Абаӷәаза иҭало аӷбақәа реиҳарак аргыларатә маҭәахәқәа ааргоит. Аӡынразы еиҳарак иаарго афатә аалыҵ ауп", — иҳәоит Адамыр Габуниа.

Аидарамҩангага аҵакыраҿы аӷбақәа рныҟәара арманшәаларази, аӷбақәа уа ргылара алыршарази, Аӡаԥшь амшын алалара армариарази 2018 шықәса рзы "Аԥснытәи амшынӷбарныҟәара" аусурақәа мҩаԥнагараны иҟоуп.

Ажәабжьқәа зегьы
0