АҞӘА, абҵара 24– Sputnik, Бадри Есиава. Ацәгьоурақәа раарԥшра 70 процент инаӡоит иҳәеит Аԥсны Аҩныҵҟатәи аусқәа рминистр Гарри Аршба аԥшьаша, абҵара 23 рзы АГТРК имҩаԥысуаз ипресс-конференциаҟны.
"Ацәгьоурақәа раарԥшра апроцент еиҿкаауп амҩатә машәырқәа, изакәанымкәа абџьар амазаара, анаркотикатә маҭәашьаррқәа рыҵәахра уҳәа раарԥшрала. Арҭ ацәгьоурақәа иахьазы 100% раарԥшра алшоит. Иааидкыланы ацәгьоурақәа раарԥшра иахьазы иартәоит 70%", — иҳәеит Гарри Аршба.
Аминистр иазгәеиҭеит Аҩныҵҟатәи аусқәа рминистрра уаанӡатәи аколлегиақәа рҟны зыӡбахә рҳәоз аӷьычрақәа, ақәыларақәа макьанагьы ишаарԥшым.
ААР (МВД) асистемаҿы аус руеит 1260-ҩык ахацәеи 400-ҩык аҳәсеи. Иара убри аан адунеижәларбжьаратә норма инақәыршәаны 1000-ҩык ауааԥсыра ахьынхо ари ахыԥхьаӡара 600-700-ҩык рҟынӡа инаӡозар ауп.
"Аштаттә акқәа рыцҵара азыԥхьагәаҭам. Уи адагьы ҳара иаҳҭахуп иҟоу аштатқәа аоптимизациа рзааурц", — иҳәеит аминистр.
Аршба иара убасгьы иазгәеиҭеит аминистрра анапхгара ишазыԥхьагәанаҭо ареформақәа рымҩаԥгара. Усеиԥш ахәҭаны иҟоуп ҳаамҭазтәи аҭагылазаашьақәа инарықәыршәаны. Иацеиԥш иахьа, ма уаҵәы аусура зыҟалом иҳәеит иара.
