Лука Гаделиа Аԥсны зҽаԥсазтәыз артист ҳәа ахьӡ ҳарак ихҵоуп

© Sputnik / Томас ТхайцукЛука Гаделия.
Лука Гаделия. - Sputnik Аҧсны
Анапаҵаҩра
Амузыкатә ҟазараҿы илагаламҭақәеи илшамҭақәеи азгәаҭаны Аԥсны Ахада Рауль Ҳаџьымба инапы аҵеиҩит Аусԥҟа: Лука Гаделиа Аԥсны зҽаԥсазтәыз артист ҳәа ахьӡ ҳарак ихҵазарц.

АҞӘА, ԥхынҷкәын 12– Sputnik, Амра Амҷԥҳа. Амузыкатә ҟазараҿы илагаламҭақәеи илшамҭақәеи азгәаҭаны Аԥсны Ахада Рауль Ҳаџьымба инапы аҵеиҩит Аусԥҟа: Лука Гаделиа Аԥсны зҽаԥсазтәыз артист ҳәа ахьӡ ҳарак ихҵазарц.

"Шәара сгәысҽанӡамкәа аҭел шәысзасит. Абыржәыҵәҟьоуп Пицундатәи аконцерттә зал аиҳабы Гәында Агрԥҳа ажәабжь бзиа ансалҳәаз. Минуҭқәак роуп иҵуа, уажәы шәара исыдышәныҳәалоит", — иҳәеит ҭелла ҳзыҿцәажәаз Лука Гаделиа.

Ауарӷанарҳәаҩ Лука Гаделиа иазгәеиҭеит ажәабжь игәиҽанӡамкәа ишиаҳаз. Дшазыԥшымыз.

"Даара агәахәара снаҭоит сусура, сҟазара ахә ҳаракны иахьыршьаз. Уажәшьҭа еиҳагьы аҭакԥхықәра сымазаауеит" — иҳәеит иара.

Арҿиаратә планқәа дрылацәажәо Лука Гаделиа иҳәеит ԥхынҷкәын 9 рзы ашәаҳәаҩ Кристина Ешԥҳаи иареи Волгоградтәи афилармониаҟны ргастрольқәа шыхдыркәшаз. Лассы Мурманскҟа ицараны ишыҟоу.

Лука Гаделиеи Кристина Ешԥҳаи - Sputnik Аҧсны
Пенза инаркны Самаранӡа. Лука Гаделиеи Кристина Ешԥҳаи ргострольқәа

Лука Гаделиа иазгәеиҭеит дахьеилахоу иахҟьаны аӡынразы Аԥсныҟа дышзымаауа атәы.

"Аконцертқәа рацәоуп. Кристина лакәзар аконсерваториаҟны аҵара лҵоит. Лара уажәы аспирантураҿ аҵыхәтәантәи акурс алыркуеит. Абарҭ зегьы инарыдҳәаланы сынтәатәи аӡынразы Аԥсныҟа ҳазнеиуам", — иҳәеит иара.

Лука Гаделиа – аҟыбаҩ ҷыда злоу музыкантуп, уарӷанарҳәаҩуп, еиуеиԥшым жәларбжьаратәи ауарӷантәи аклассикатәи музыка рфестивальқәа дырлахәылоуп.

Ажәабжьқәа зегьы
0