Аԥыза-министр ихаҭыԥуаҩс дҟаҵоуп Роман Шьоууа

© Sputnik / Томас ТхайцукКабинет министров.
Кабинет министров. - Sputnik Аҧсны
Анапаҵаҩра
Аԥсны Ахада инапы аҵаиҩит Беслан Ешба инапынҵақәа рааныжьразы Аусԥҟа.

АҞӘА, жәабран 6 – Sputnik. Аԥсны Ахада инапы аҵеиҩит Беслан Ешба инапынҵақәа рааныжьразы Аусԥҟа. Иара убас, жәабранмза 5 рзы Ахада инапы аҵаиҩит Аҧсны Аҳәынҭқарра Аҧыза-министр ихаҭыҧуаҩ изы Аусҧҟа.

Аусҧҟаҟны, ҷыдала, иҳәоуп:

"Ихы дақәиҭтәызааит Ешба Беслан Фиодор-иҧа Аҧсны Аҳәынҭқарра Аҧыза-министр ихаҭыҧуаҩ имаҵураҟнытә иалаиҵаз арзаҳал инақәыршәаны. Даҭазааит Шьоуа Роман Иури-иҧа Аҧсны Аҳәынҭқарра Аҧыза-министр ихаҭыҧуаҩыс", — ҳәа. Абри атәы аанацҳауеит атәыла Ахада иофициалтә саит.

Уаанӡа Беслан Ешба арзаҳал наишьҭхьан инапынҵақәа рҟынтәи ихы дақәиҭыртәырц.

Шьоууа Роман Иури-иԥа диит абҵара 23 1976 шықәса рзы Аҟәа ақалақь аҟны.

1993 шықәса рзы Гәдоуҭатәи абжьаратә школ №2 далгеит.

1993 шықәса рзы дҭалоит Урыстәылатәи Афедерациа Апрезидент иҿы иҟоу аҳәынҭқарратә маҵзура Нхыҵ-Кавказтәи академиа.

Далгоит 1999 шықәса рзы "амениџьер-аекономист" ҳәа азанааҭ иманы.

1995 — 1997 шш. Аԥсны Аҳәынҭқарраҟны аррамаҵзура дахысуан.

1997 — 2006шш. Аҳәынҭқарратә еилакы "Абхазвторресурсы" аҟны еиуеиԥшым амаҵзурақәа иман.

2007 – 2018шш. рзы ИАЕ "Флагман" адиректор ихаҭыԥуаҩ.

Дҭаацәароуп, ҩыџьа ахшара драбуп.

 

Ажәабжьқәа зегьы
0