Апарламент аҿы аиқәшаҳаҭра аратификациа азыруит

© Sputnik / Томас ТхайцукЗаседание парламента
Заседание парламента - Sputnik Аҧсны
Анапаҵаҩра
Ааԥынтәи асессиа раԥхьатәи аилатәара мҩаԥысит Аԥсны Жәлар реизараҟны жәабран 12 рзы.

АҞӘА, жәабран 12 – Sputnik, Бадри Есиава. Жәабран 12 рзы Аԥсны Апарламент аҟны аратификациа азыруит Аԥсны Аҳәынҭқарреи Урыстәылатәи Афедерациеи рыбжьара анапы зҵаҩу иҷыдоуи зтехнологиа ҳаракуи амедицинатә цхыраара аусхк аҟны аусеицуразы аиқәшаҳаҭра. 

Ақәҵара апроект адепутатцәа ирыдигалеит Аԥсны Ахада Иусбарҭа анапхгаҩы Дмитри Шамба.

Президент РФ В. Путин встретился с российскими участниками XXIII Олимпийских зимних игр 2018 года в Пхёнчхане - Sputnik Аҧсны
Аԥсны инхо атәылауаа хәшәыла реиқәыршәаразы аиқәшаҳаҭра аратификациа азууп

"Абри аиқәшаҳаҭра инақәыршәаны аҳәынҭқаррақәа рыҩба ртәылауаа амедицинатә цхыраара роулоит. Тәылак аҵакыраҿы иҟоу атәылауаа ирццаку амедицинатә цхыраара роулоит уи атәыла амедицинатә усҳәарҭақәа рҟны хәыда-ԥсада. Иҷыдоуи зтехнологиа ҳаракуи амедицинатә цхыраара роуеит заанаҵтәи апланыркрала", — иҳәеит Шамба.

Шамба иазгәеиҭеит Аԥсны атәылауаа амедицинатә ԥгаԥса змам, Урыстәыла иахьаҵанакуа ианыҟоу Аԥсни Урыстәылеи ргәабзиарахьчара аусхк аҟны ирырҭо аквотақәа рыла амедицинатә цхыраара роуеит ҳәа.

Апрофильтә еилакы ахантәаҩы, адепутат Алхас Аџьынџьал иазгәеиҭеит аиқәшаҳаҭра аратификациа азура ахәҭаны ишыҟоу, уи хра шамоу ҳтәылауаа рзы.

Аԥсны Жәлар Реизара адепутатцәа еицҿакрыла рыбжьы рҭиит Аԥсны Аҳәынҭқарреи Урыстәылатәи Афедерациеи рыбжьара анапы зҵаҩу иҷыдоуи зтехнологиа ҳаракуи амедицинатә цхыраара аусхк аҟны аусеицуразы, хәшәыла аиқәыршәарагьы абрахь иналаҵаны аратификациа азуразы.

Ажәабжьқәа зегьы
0