14:34 24 Хәажәкыра 2019
Ишиашоу ицо аефир
  • USD63.77
  • EUR72.59
Субботник.

Аԥсны ақалақьқәа рҿы асубботникқәа мҩаԥгахоит

© Фото : Pixabay
Аԥсны
Икьаҿу ахьарԥш аиура
24 0 0

Акурорттә сезон аламҭалаз Аԥсны ақалақьқәа: Аҟәа, Гагра, Афон ҿыц рҿы асубботникқәа мҩаԥгахоит.

АҞӘА, мшаԥы 13 – Sputnik, Бадри Есиава. "Ицқьоу Аԥсны" адевиз иаҵагыланы мшаԥы 13 рзы акурорттә сезон аламҭалаз Аԥсны ақалақьқәа: Аҟәа, Гагра, Афон ҿыц рҿы асубботникқәа мҩаԥгахоит ҳәа Sputnik акорреспондент изеиҭеиҳәеит "Аԥсны атранспорт аусзуҩцәа Реидгыла" ахантәаҩы Георги Ачба.

"Мызкы аԥхьаҟа Ахәаахәҭра-ааглыхратә палата ажәалагала ҟанаҵеит иара анапхгарала иаԥҵоу аидгылақәеи агильдиақәеи ареспубликатә субботник мҩаԥыргарц. Ҳара абри ауснагӡатә ҳәарада ҳҽалаҳархәуеит ареспублика атәылауаагьы адгылара ҳарҭап ҳәа ҳгәыӷуеит. Иахәҭоу амаругақәа рыла зегь реиқәыршәара ҳазыхиоуп", — иҳәеит иара.

Ауаажәларра рнырразы Аҟәа ақалақь Ахадара аҟәша аиҳабы Амина Ҳәатышьԥҳа илҳәеит ақалақь Ахадара шазыхиоу асубботникқәа ҩба – мшаԥы 13, 20 рзы рымҩаԥгара.

"Аҟәа ақалақь Ахадара есышықәса акурорттә сезон аламҭалаз асубботникқәа мҩаԥнагоит. Ҳара ҳнапы иануп Аҟәатәи афуникулиор арыцқьара. Иҳавагылар зҭаху зегьы ашьыжь иҳадҵаалар рылшоит", — лҳәеит лара.

Мшаԥы 13 рзы, акурорттә сезон аламҭалаз Аԥсны ақалақьқәа: Аҟәа, Гагра, Афон ҿыц рҿы асубботникқәа мҩаԥгахоит.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    31
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55