17:52 20 Рашәара 2018
Ишиашоу ицо аефир
  • USD63.62
  • EUR73.61
Шазина Агрба

Агрԥҳа: "Ауаҩы игыларҭа" аҳәаақәа ирҭагӡаны апремиерақәа ҩба дырбахоит

© Sputnik / Томас Тхайцук
Аԥсны
Икьаҿу ахьарԥш аиура
11 0 0

IV Жәларбжьаратәи акультура афестиваль "Ауаҩы игыларҭа" мҩаԥысраны иҟоуп Аҟәа, рашәара 13-15 рзы.

АҞӘА, рашәара 4 – Sputnik. IV Жәларбжьаратәи акультура афестиваль "Ауаҩы игыларҭа" аҳәаақәа ирҭагӡаны апримиерақәа ҩба дырбахоит ҳәа радио Sputnik Аԥсны иазеиҭалҳәеит Фазиль Искандер ихьӡ зху Афонд адиректор Шьазина Агрԥҳа.

"Сынтәатәи афестиваль уаанӡатәиқәа излареиԥшымхо, сынтәа афестиваль аҳәаақәа ирҭагӡаны Фазиль ирҿиамҭақәа ирылху апремиерақәа ҩба дырбахоит: аспектакли зметраж кьаҿу афильми", — лҳәеит лара.

Лара иара убасгьы иазгәалҭеит алитературатә мҩақәҵага "Искандер и-Аԥсны" азырхиара ишаҿу, 2018 шықәса рашәарамзазы ишӡыргахо Гагра иазку амҩақәҵага.

"Ахсаала еиқәлыршәеит Сариа Нанԥҳа, лара аидеиа гәыкала дазнеиит, асахьаҭыхыҩ иҳасаб ала длыдлыԥхьалеит Мадина Ҷкәатуаԥҳа. Аӡыргара мҩаԥысраны иҟоуп Аҟәа, Аҿар рыҩнаҿы", — лҳәеит Шьазина Агрԥҳа.

Афестиваль аҽазыҟаҵара ахыркәшамҭахь инеиуеит, зегь азырхиоуп уҳәар алшоит ҳәа еиҭалҳәеит Фазиль Искандер ихьӡ зху Афонд адиректор Шьазина Агрԥҳа.

"Иааидкыланы зегь хиоуп. Апрограмма еиқәыршәоуп", — лҳәеит лара.

Сынтәа ԥшьынтәуп Аԥсны имҩаԥысуеижьҭеи Фазиль Искандер ихьӡ зху Жәларбжьаратәи акультура афестиваль "Ауаҩы игыларҭа". Иара еиҿыркаауеит Аԥсны Акультуреи аҭоурых-культуратә ҭынха ахьчареи рминистрреи Фазиль Искандер ихьӡ зху Афонди.

IV Жәларбжьаратәи акультура афестиваль "Ауаҩы игыларҭа" мҩаԥысраны иҟоуп Аҟәа, рашәара 13-15 рзы.

Рашәара 14 рзы Аҟәатәи ақәыԥшцәа рыҩнаҿы имҩаԥгахоит асахьаҭыхратә еиндаҭлара. Иара убри аҽны имҩаԥгахоит алитературатә мҩақәҵага "Искандер и-Гагра" аӡыргара.

Рашәара 15 рзы афестиваль хыркәшахоит.

Фазиль Абдул-иԥа Искандер диит хәажәкыра 6, 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт. Ҩы-шықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс. 1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура". Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа). Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь.

Ихадоу атемақәа