Аботаникатә баҳчаҟынтә ирӷьычит зыхкы маҷӡоу аҵиаа "Королевская Виктория"

© Фото : phytologyКоролевская виктория
Королевская виктория - Sputnik Аҧсны
Анапаҵаҩра
Аҟәатәи аботаникатә баҳчаҿ аӷьычра ҟалеит, аҵарауаа агәалсра ӷәӷәа рымоуп.

АҞӘА, рашәара 8 – Sputnik. Идырым џьоукы Аҟәатәи аботаникатә баҳчаҟынтә ирӷьычит зыхкы маҷӡоу аколлекциатә ҵиаа "Королевская Виктория" ҳәа Sputnik иазааицҳаит Аԥсны аботаника аинститут аҵиааӡара аҟәша аиҳабы Сергеи Бебиа.

Эдуард Губаз - Sputnik Аҧсны
Арадио
Гәыбаз "аҳ иԥсаатә" иазкны: аботаникатә баҳчахь иаагоуп ататашьқәа

"Виктория мамзаргьы кувшинка ҳәа изышьҭо ашәҭхкы рӷьычит ҩымчыбжьа раԥхьа. Иара уахынла мацароуп ианышәҭуа. Ашьыжь, амра шыҩагылалак иакуеит. Абиологиа аганахь ала аинтерес змоу ҵиаауп. Аботаника аинститут аусзуҩцәа зегьы акыр ҳгәы иалсит ахҭыс", — иҳәоит Бебиа.

"Королевская Виктория" –тропикатә шәҭуп. Иара даара амаршәа адкыланы иааӡалатәуп, аԥхарра бзиа иабоит.

"Агәаӷь иалхны иҳааӡеит. Акыр аџьа адбаланы иҳаман. Иара ишахәҭоу еиԥш иазҳарц азы 20-25 градус иреиҳамзароуп иагьреиҵамзароуп аҳауа. Аԥхаррарҭаҿы иҳааӡеит, аӡҭарчы ашҟа ииаганы еиҭаҳҳаит. Даара ҳаигәырӷьон. Уажәы ирӷьычит", — иҳәеит Бебиа.

"Королевская Виктория" аԥшаарагьы акыр иуадаҩуп. Аботаника аинститут аусзуҩцәа рколлегацәа аҭел ирзасуеит аиҭеиҭаҳаразы, аха макьаназ џьаргьы ирымԥыхьашәом.

"Виктория королевская – ҳара ҳгәадура акәын. Уажәы ажәла ҳашьҭоуп. Иҟалап иҳаԥшааргьы, аха унапқәа уваҳауеит аџьа ду здубалаз џьоукы ианырӷәычуа. Изго иҟны уи аҵиаа аҽазеиҿкааӡом. Избанзар иара ахылаԥшра бзиа зҭаху, ишахәҭоу дыртәу ҵиаауп", — иҳәеит иара.

Аколлекциатә шәҭқәа аныӡ ашьҭахь абаҳчаҿы ахьчара дырӷәӷәеит.

"Королевская Виктория" – аӡаҿы изызҳауа шәҭуп. Абыӷьқәа ҩ-метрак рҟынӡа аҭбаара рымоуп. Ишәҭуеит шықәсык ахь знык, иара уигьы уахынла.

Ажәабжьқәа зегьы
0