14:34 24 Хәажәкыра 2019
Ишиашоу ицо аефир
  • USD63.77
  • EUR72.59
Дом, в котором жила семья Гулиа с 1913 года

Нонна Џьынџьалԥҳа лышәҟәы "Абзиабара ашәа" аӡыргара мҩаԥысит

© Sputnik / Томас Тхайцук
Аԥсны
Икьаҿу ахьарԥш аиура
4020

Дырмит Гәлиа иҩны – музеи ахыбраҿы имҩаԥысит арҵаҩы, ааӡаҩ, мызқәак раԥхьа Аԥсны ашәҟәыҩҩцәа Реидгыла иалахәылахаз ашәҟәыҩҩ қәыԥш Нонна Џьынџьалԥҳа раԥхьаӡатәи лышәҟәы "Абзиабара ашәа" аӡыргара.

АҞӘА, цәыббра 7- Sputnik, Сусанна Ҭаниаԥҳа. Дырмит Гәлиа иҩны – музеи ахыбраҿы имҩаԥысит арҵаҩы, ааӡаҩ, мызқәак раԥхьа Аԥсны ашәҟәыҩҩцәа Реидгыла иалахәылахаз ашәҟәыҩҩ қәыԥш Нонна Џьынџьалԥҳа раԥхьаӡатәи лышәҟәы "Абзиабара ашәа" аӡыргара.

Аӡыргара рхы аладырхәырц аҩны – музеи иаҭааит аԥсуа апоетцәа, ашәҟәыҩҩцәа, алитературатә критикцәа, автор аус лыцызуа Д. Бигәаа ихьӡ зху Гәылрыԥшьтәи абжьаратә школ арҵаҩратә еилазаара, лҵаҩцәа, иара убас алитература иазҿлымҳау ауааԥсыра.

"Нонна Џьынџьалԥҳа лышәҟәы ҭымҵӡацызт "Абзиабара ашәа" ари раԥхьатәи лышәҟәоуп, лара лзынгьы, ҳара ҳзынгьы, ҳаԥсуа милаҭ рзынгьы ари хҭыс дууп ҳәа сгәы иаанагоит. Лышәҟәы "Абзиабара ашәа" ахьӡуп, аха абзиабара ара еиуеиԥшым ахырхарҭақәа рыла иаарԥшуп", — Аԥсны ашәҟәыҩҩцәа Реидгыла ахантәаҩы Вахтанг Аԥҳазоу.

Ҩажәа шықәса инарзынаԥшуа ашкол аҿы аус зухьо Нонна Џьынџьалԥҳа лзы ари раԥхьаӡатәи шәҟәуп.

Уи аромантикатә цәа зныубаалоу инеиҵыху ажәабжьқәеи ажәабжь кьаҿқәеи быжьба еиднакылоит, урҭ иреиуоуп: "Агәҭахәыцрақәа", "Аԥсҭҳәақәа иргәылахаз алахьынҵа", Еихьымӡо ашьапышьҭақәа", "Икыдымшәандаз", "Анаҟәи Амреи", "Аҵлақәагь шәҭып", "Усҟан амза лашон".

Ашәҟәы 344 даҟьа рыла ишьақәгылоуп.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    31
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55