Аҩныҵҟатәи аусқәа рминистрраҿы амҩатә машәыр шыҟалаз иахцәажәеит

© SputnikФото с места ДТП, в результате которого погиб премьер-министр Абхазии Геннадий Гагулия
Фото с места ДТП, в результате которого погиб премьер-министр Абхазии Геннадий Гагулия - Sputnik Аҧсны
Анапаҵаҩра
Аԥсны аԥыза-министр Геннади Гагәылиа иԥсҭазаара далҵит Мысра абжьаларҭа азааигәара иҟалаз амҩатә машәыр иахҟьаны, цәыббрамза 8, асааҭ рзы 23:10 рзы.

АҞӘА, цәыббра 9 — Sputnik. Аԥсны аԥыза-министр Геннади Гагәылиа иԥсҭазаара далҵит Мысра абжьаларҭа азааигәара иҟалаз амҩатә машәыр иахҟьаны, цәыббрамза 8, 23 сааҭ рзы. Автомашьына ВАЗ-2199 аԥсҟы зкыз аиҳабыратә кортеж иалахәыз амашьынақәа амҩа римҭеит ҳәа аанацҳауеит Аҩныҵҟатәи аусқәа рминистрра.

Сотрудники милиции на месте ДТП в результате которого погиб премьер-министр Абхазии Геннадий Гагулия - Sputnik Аҧсны
Амҩатә машәыр зуз амашьынарныҟәцаҩ анаркотикатә маҭәашьарқәа идкыланы дыҟан

Жәандәрыԥшь ақыҭа иалҵыз Ҳаџьараҭ Ҭарсман цәыббра 8, асааҭ 22.40 рахь инеихьаны ареспубликатә трасса даныланы дцон, Гагра ақалақь ахь ихы рханы. Иара убри аан иарбанызаалак амашьына арныҟәаразы азин ҟазҵо шәҟәы имамызт. Уи адагьы, аҵыхәтәан ишышьақәыргылахаз ала, анаркотикатә маҭәашьарқәа идкылан дыҟан.

Ареспубликатә трасса 47-тәи акилометр, Блабырхәа ақыҭа азааигәара Ҭарсман Аԥсны амҩатә ныҟәара аԥҟарра ахәҭаҷ 2 апункт 3.2 еилеигеит. Уи апункт излаҳәо ала, атранспорттә хархәагақәа, иҷыдоу аԥшшәытә схемақәа зну, иҷыдоу адырраҟаҵага зықәгылоу, аҟаԥшьи ацәиаҵәеи лашарақәа зкуа ахархәагала еиҿкаау ззаигәахо егьырҭ автомашьынақәа урҭ амҩа рырҭароуп ԥымкрада рымҩа иацырҵарц. Иара убасгьы амҩа рыҭатәуп дара мҩаԥызго егьырҭ атранспорттә хархәагақәагьы.

"Ҳаџьараҭ Ҭарсман Аԥсны Аминистрцәа Реилазаара иатәу Баҭал Бгьоу зыԥсҟы икыз, Аԥыза-министр Геннади Гагәылиа дызҭаз автомашьына "Toyota Camry" иасит. Амашьынаҿ дыҟан иара убасгьы аҳәынҭқарратә ахьчаратә маҵзура аусзуҩ Алхас Џьелиа", — ҳәа аҳәоит Аҩныҵҟатәи аусқәа рминистрра адырраҭара.

Геннади Гагәылиа иоуз аахақәа ирыхҟьаны иԥсҭазаара далҵит.

Егьырҭ рыԥсҭазаарақәа ашәарҭа иҭагылам.

Автомашьына ВАЗ-21099 аԥсҟы зкыз даанкылоуп.

Аматериал араионтә прокуратурахь инашьҭуп.

Ажәабжьқәа зегьы
0