10:59 18 Нанҳәа 2019
Ишиашоу ицо аефир
  • USD66.00
  • EUR73.22
Пицундский орган.

Пицундатәи афестиваль ркьаҿхоит алахьеиқәратә мшқәа инарыдҳәаланы

© Sputnik / Илона Хварцкия
Аԥсны
Икьаҿу ахьарԥш аиура
12 0 0

Афестиваль "Пицунда ауарӷантә хәылԥазқәа" мҩаԥысуеит Аԥсны цәыббра 13 - 15 рзы.

АҞӘА, цәыббра 11 – Sputnik, Асмаҭ Ҵәыџьԥҳа. Афестиваль "Пицунда ауарӷантә хәылԥазқәа" мҩаԥысраныы иҟан цәыббра жәаба рзы. Уажәы иара мҩаԥысуеит Аԥсны цәыббра 13 — 15 рзы Аԥыза-министр иҭахара инадҳәаланы ҳәа Sputnik иазаалыцҳаит пицундатәи ауарӷантә зал аиҳабы Марина Шамԥҳа.

"Афестиваль аамҭа еиҭакхеит. Артистцәа зегьы рыграфик рзымԥсахит азы апрограмма еиҵатәхоит", — ҳәа лҳәеит лара.

Амузыкатә фестиваль хымш имҩаԥысуеит. Апрограммаҿ иарбоуп аԥснытәии урыстәылатәии аоператә шәаҳәаҩцәа рықәгылара.

Цәыббра 13 асааҭ 17:00 рзы аконцерттә программала дықәгылоит Лука Гаделиа. Ауахәамаҿ аконцерт мҩаԥылгоит Елена Кеилина.

Цәыббра 14 асааҭ 17:00 рзы шәахәаԥшыр алшоит аҟазах шәаҳәаҩ Габит Несипбаев иконцерт.

Асааҭ 20:00 рзы — Гарри Кониаев дықәгылоит.

Цәыббра 15 асааҭ 17:00 дықәгылоит Пермтәи афилармониа асолистка Евгениа Камианскаиа.

Аконцерттә программа хыркәшахоит 20:00 сааҭ рзы Марина Шамԥҳа лықәгыларала.

Афестиваль "Пицунда ауарӷантә хәылԥазқәа" Аԥсны имҩаԥысуеижьҭеи 15-шықәса инарзынаԥшуа иҵуеит. Абри аамҭала Пицунда аконцерттә программақәа рыман иаҭаахьеит Урыстәыла, Германиа, Прибалтика, Украина, Ермантәыла уҳәа атәылақәа рҟынтәи ауарӷанарҳәаҩцәа.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    12
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    177