АҞӘА, цәыббра 25 — Sputnik. Ашәҟәы ҟаԥшь иану абарзали (белуга — аред.) аганвыхи (горбыль-аред.) Аԥснынтәи Урыстәылаҟа аҳәаа иахыганы риагара игәҭакын амашьына аидараҭыԥ аҿы Ҟәбан инхо ахаҵа ҳәа аанацҳауеит амаҵзура "Кубань24" Краснодартәи атәылаҿацә УФСБ адыррақәа ҵаҵӷәыс иганы.
"Автомашьынақәа роушьҭырҭатә ҭыԥ "Адлер" аҿы агәаҭаразы иааныркылеит автомобиль ВАЗ. Амашьына Аԥснынтәи ииасуан Урыстәылаҟа. Аидараҭыԥ аҿы ирбеит 21 кьыла рҟынӡа иҟаз, Ашәҟәы ҟаԥшь иану аԥсыӡжәлақәа: абарзали аганвыхи", — ҳәа аанацҳауеит "Кубань24".
Амашьына зтәу аԥсыӡ аԥсыӡкыҩцәа ирымсыхәҳаит, аҳәаа ахыгара шыҟамлоз сыздырамызт ҳәа иҿахәы иҳәеит.
