Аԥсныи Урыстәылеи рдипломқәа реицазхаҵара азҵаара Аҳәынҭқарратә думахь инагоуп

© Sputnik / Наталья Селиверстова / Амедиаҵәахырҭахь аиасраЗдание Государственной Думы РФ на улице Охотный ряд в Москве
Здание Государственной Думы РФ на улице Охотный ряд в Москве - Sputnik Аҧсны
Анапаҵаҩра
Аиқәшаҳаҭра иҳәаақәнаҵоит Аԥсныи Урыстәылеи иахьрыҵаркуа азеиԥш ҵареи, абжьаратә ҵареи, абжьаратә профессионалтә ҵареи разхаҵара.

АҞӘА, абҵара 8 – Sputnik. Аԥсныи Урыстәылеи рдипломқәа реицазхаҵара азҵаара Аҳәынҭқарратә думахь аратификациаз инагоуп ҳәа аанацҳауеит РИА Новости.

"Аиқәшаҳаҭра азырхоуп аҵареи аҭҵаарадырреи русхк аҟны аизыҟазаашьақәа рыҿиара, Аԥсныи Урыстәылеи иахьрыҵаркуа азеиԥш ҵареи, абжьаратә ҵареи, абжьаратә профессионалтә ҵареи разхаҵара аганқәа дасу рҳәынҭқаррақәа рзакәанԥҵара инақәыршәаны", — ҳәаа ҳәоит адырраҭараҿы.

Аиқәшаҳаҭра иазыԥхьагәанаҭоит аҳәынҭқаррақәа доусы рҿы аҵара ацҵареи апрофессионалтә усура амҩаԥгареи.

Урыстәыла аиҳабыра иазгәарҭоит аиқәшаҳаҭра урыстәылатәи аҵаратә система аекспорт аизырҳареи аҳәынҭқаррақәа рыбжьара аҵаратә усеицура арҭбаареи ишацхраауа.

Уи адагьы аиқәшаҳаҭра Урыстәылеи Аԥсныи рҵаратәи рыҭҵаарадырратәи еиҿкаарақәа рҿы еишьашәалоу аҵара ацҵаразы азҵаарақәа аԥнахуеит.

Ажәабжьқәа зегьы
0